Toqaev pen Erdoǧan telefon arqyly bır-bırın Oraza ait merekesımen qūttyqtady

Qazaqstan Prezidentı Qasym-Jomart Toqaev pen Türkiia prezidentı Rejep Taiyp Erdoǧan telefon arqyly söilestı, dep habarlaidy “Adyrna” ūlttyq portaly. Memleket basşylary bır-bırın Oraza ait merekesımen qūttyqtap, ekı bauyrlas eldıŋ halqyna beibıtşılık, bereke jäne örkendeu tıledı. Äŋgımelesu barysynda qazaq-türık strategiialyq ärıptestıgın odan ärı nyǧaituǧa degen berık ūstanym rastaldy. Resmi mälımdemede ekı el arasyndaǧy sauda-ekonomikalyq jäne mädeni-gumanitarlyq yntymaqtastyqty ılgerıletuge yqpal etetın joǧary deŋgeidegı saiasi dialogty belsendı türde jalǧastyrudyŋ maŋyzdylyǧy atap ötıldı. Memleket basşylary sondai-aq halyqaralyq ūiymdar aiasynda ötetın aldaǧy kezdesulerdıŋ kestesın talqylady. Eske sala keteiık, Türkiiada soŋǧy uaqytta bilıkke qarsy ırı narazylyqtar ötude. Stambuldaǧy mitingılerge jüz myŋdaǧan adam qatysqan. Narazylyqtar barysynda 1900-ge juyq adam ūstalyp, olardyŋ 260-y sot şeşımın kütıp qamauda otyr. Jergılıktı bilık 1 säuırge deiın jinalystar men mitingılerge tyiym saldy.