شىمكەنتتىك الىپ كۇشتىڭ يەسى ارتىق دوساليەۆ قازاقستان رەكوردىن جاڭارتتى. بۇل تۋرالى 24kz جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، 52 جاستاعى سپورتشى سالماعى 120 توننا بولاتىن ۆاگونداردى سۇيرەپ، 21 مەتر 40 سانتيمەترگە دەيىن جىلجىلتتى. الدىمەن قازاقستان رەكوردتار كىتابىنىڭ رەسمي وكىلى، رەلستىڭ دەڭگەيىن، جۇكتىڭ سالماعىن تەكسەرىپ، اراقاشىقتىقتى ولشەۋدەن وتكىزدى. رەكوردتىڭ ورناتىلعانىن راستاپ، سەرتيفيكاتتى تابىستادى.
ارتىق دوساليەۆ بۇل جەتىستىگىن جەڭىس كۇنى قارساڭىندا باتىر بابالاردىڭ ەرلىگىن ۇلىقتاپ، رۋحىنا تاعزىم ەتۋگە ارنادى. وسى ناتيجەگە جەتۋ ءۇشىن ءبىر جىل بويى دايىندالعانىن ايتادى. ول سپورتتىڭ وسى تۇرىنەن 5 رەت الەم چەمپيونى، 2 دۇركىن ەۋروپا جانە ازيا جۇلدەگەرى اتانعان. سوندىقتان جاستاردى سالاۋاتتى ءومىر سالتىن ۇستانۋعا شاقىردى.
«جەڭىستىڭ 80 جىلدىعى قارساڭىندا وسىنداي رەكورد ورناتۋعا نيەت ەتىپ، باتىر بابالارىمىزدىڭ رۋحىنا تاعزىم جاسادىم. كەلەسى جىلى دا 6-7-10-20 ۆوگونعا دەيىن سۇيرەۋگە نيەتتەنىپ وتىرمىن»، - دەيدى پاۋەرليفتينگتەن الەم چەمپيونى ارتىق دوساليەۆ.
قازاقستان رەكوردتار كىتابىنىڭ رەسمي وكىلى باقىتجان تاستۇلەكوۆ جاڭا رەكوردقا تاندانىسىن جاسىرمادى.
«بۇرىن-سوڭدى قازاقستاندا بولماعان رەكوردتىڭ ورناتىلعانىن كورىپ، كۋا بولىپ وتىرمىز. ونىڭ الدىندا ءبىز جولدىڭ تەگىستىگىن تەكسەردىك. 21 مەتر 40 سم-گە تارتتى. جالپى سالماعى – 120 توننا»، - دەيدى باقىتجان تاستۇلەكوۆ.
ۇقساس جاڭالىقتار
