تاجىكستان پرەزيدەنتى ەمومالي راحمون الەۋمەتتىك جەلىلەردەگى لايك پەن باسقا دا بەلگىلەر ءۇشىن قىلمىستىق جاۋاپكەرشىلىكتى الىپ تاستايتىن زاڭعا قول قويدى، دەپ حابارلايدى "ادىرنا" ۇلتتىق پورتالى فەرعانا اگەنتتىگىنە سىلتەپ.
زاڭ «تاجىكستان رەسپۋبليكاسىنىڭ قىلمىستىق كودەكسىنە تولىقتىرۋلار ەنگىزۋ تۋرالى» دەپ اتالادى. قۇجاتتىڭ تولىق ءماتىنى رەسمي ءباسپاسوز بەتتەرىندە جاريالاناتىن بولادى.
بۇل شەشىمگە دەيىن، 2023 جىلدىڭ قازان ايىندا، مەملەكەت باسشىسى ىشكى ىستەر مينيسترلىگىنە ازاماتتاردى لايك باسقانى ءۇشىن قۋدالاۋدى توقتاتۋدى تاپسىرعان ەدى. ول مۇنداي ايىپتاۋلاردى نەگىزسىز دەپ اتاپ، قۇقىق قورعاۋ ورگاندارىنىڭ مۇنداي ارەكەتتەرىنە توقتاۋ سالۋ قاجەتتىگىن ايتقان بولاتىن.
2025 جىلدىڭ ساۋىرىندە بۇل باستامانى تاجىكستان باس پروكۋراتۋراسى كوتەرىپ، زاڭ جوباسى پارلامەنتتىڭ تومەنگى پالاتاسىندا ماقۇلداندى. ناقتىلاي كەتسەك، قىلمىستىق كودەكستەگى 179(3)-باپ (تەرروريستىك ارەكەتتەرگە شاقىرۋ) جانە 307(1)-باپ
باس پروكۋراتۋرانىڭ ءبىرىنشى ورىنباسارى ۋمەد كاريمزودا سوتتالعاندار بويىنشا ستاتيستيكانى كەلتىردى. ناقتىراق، 2025 جىلدىڭ ءساۋىر ايىنا دەيىن ينتەرنەتتەگى بەينەروليكتەرگە ءلۇپىل باسقانى نەمەسە ەكسترەميستىك سيپاتتاعى پىكىر جازعانى ءۇشىن 1507 ازامات تۇرمەدە وتىرعان.
بۇعان دەيىن دە تاجىكستاندا مۇنداي ىستەر تىركەلگەن. 2018 جىلى ۆاحش اۋدانىنىڭ تۇرعىنى اليدجون شاريپوۆ وپپوزيتسيالىق پارتيانىڭ بەينەماتەريالىنا ءلۇپىل باسقانى ءۇشىن 9,5 جىلعا سوتتالعان. 2019 جىلى پەندجيكەنت قالاسىنىڭ بۇرىنعى يمامى الەۋمەتتىك جەلىدە ۇناتۋ بەلگىسىن باسقانى ءۇشىن 1 جىل 4 اي تۇرمەگە قامالدى.