تاجىكستان رەسپۋبليكاسىنىڭ پرەزيدەنتى ەمومالي راحموننىڭ قازاقستانداعى جۇمىس ساپارى اياقتالدى. قاسىم-جومارت توقاەۆ پەن ەمومالي راحمون قازاقستانداعى تاجىكستاننىڭ مادەنيەت كۇندەرىن اشتى جانە تاجىكستاننىڭ حالىق شىعارماشىلىعى كورمەسىن ارالاپ، ارنايى ۇيىمداستىرىلعان تاۋارلار كورمەسىن تاماشالاردى، دەپ حابارلايدى "ادىرنا" ۇلتتىق پورتالى.
تاجىكستان رەسپۋبليكاسىنىڭ پرەزيدەنتى ەمومالي راحموندى مەملەكەت باسشىسى قاسىم-جومارت توقاەۆتىڭ ءوزى اۋەجايدان شىعارىپ سالدى.
"مەملەكەت باسشىسى قاسىم-جومارت توقاەۆ ەلىمىزدەگى جۇمىس ساپارى اياقتالعان تاجىكستان رەسپۋبليكاسىنىڭ پرەزيدەنتى ەمومالي راحموندى اۋەجايدان شىعارىپ سالىپ، جىلى قوشتاستى", دەلىنگەن اقوردا حابارلاماسىندا.
ەسكە سالايىق، بۇعان دەيىن قاسىم-جومارت توقاەۆتىڭ شاقىرۋىمەن 2023 جىلى 25-26 تامىزدا تاجىكستان پرەزيدەنتى ەمومالي راحموننىڭ استاناعا جۇمىس ساپارىمەن كەلەتىنى حابارلانعان بولاتىن. توقاەۆ استانا اۋەجايىندا راحموندى قارسى الدى. ەمومالي راحمون قازاقستان پرەزيدەنتىنە قوناقجايلىلىعى ءۇشىن ريزاشىلىعىن ءبىلدىردى. قوس ەلدىڭ پرەزيدەنتتەرى الدىمەن شاعىن قۇرامدا، ودان كەيىن
كەڭەيتىلگەن قۇرامدا كەلىسسوزدەر جۇرگىزدى.
ورايى كەلگەندە ايتا كەتەيىك، 26 تامىزدا قاسىم-جومارت توقاەۆ پەن ەمومالي راحمون 2022 جىلى سالىنعان استانانىڭ باس مەشىتىنە باس سۇقتى. سونىمەن قاتار، قازاقستاندىقتاردىڭ ەرەكشە "ىقىلاسى اۋعان" تاۋارلار كورمەسىن تاماشالادى.
وتاندىق اقپارات كەڭىستىگىندە تاۋارلار كورمەسىنىڭ تۇرعىندار تاراپىنان تالان-تاراجىعا ءتۇسىپ، "حانتالاپاي" بولعانى قىزۋ تالقىلانىپ جاتىر.
"ادىرنا" ۇلتتىق پورتالى
باسقالارمەن بولىسە
وتىرىڭىز
