تالدىقورعاندا ءجاسوسپىرىم شەرزات پولاتتىڭ قازاسى بويىنشا سوت وتىرىسى جالعاسىپ جاتىر. بۇگىن، 22 مامىردا سۋديا ەرجان جانۇزاقوۆ الەۋمەتتىك جەلىدە سوت وتىرىسى ۇزىلىسىندە تارادى دەلىنگەن اۋديوعا بايلانىستى جەكە قاۋلى قابىلدادى، دەپ حابارلايدى «ادىرنا» ءتىلشىسى.
ول بەينەجازبانىڭ شىنايىلىعىن جانە كىمدەر سويلەپ جاتقانىن، كىمگە باعىتتالعانىن انىقتاۋدى پروكۋرورلارعا تاپسىردى.
«باستى سوت تالقىلاۋى ۇزىلىسىندە كەزىندە ايتىلدى دەلىنگەن اۋديوعا الماتى وبلىسى پروكۋرورىنىڭ نازارى اۋدارىلسىن»، – دەدى جانۇزاقوۆ.
سونداي-اق ول شەشىمدى سۋديا عانا قابىلدايتىنىن، ارانداتۋشىلىق پەن شۋعا جول جوق ەكەنىن اتاپ ءوتتى.
ەسكە سالايىق، 21 مامىر كۇنى باستى ايىپتالۋشى ابزال شىناسىلدان جاۋاپ الىنعان سوت وتىرىسىندا كۇماندى ديالوگ تىكەلەي ەفيرگە ءتۇسىپ قالعان ەدى.
