بەلگىلى جۋرناليست، «Qazsport» تەلەارناسىنىڭ تۇڭعىش ديرەكتورى دياس احمەتشارىپ قايتىس بولدى. قارالى حاباردى «Qazaqstan» ۇلتتىق ارناسى جەتكىزدى، دەپ حابارلايدى «ادىرنا» ءتىلشىسى.
ول ەڭبەك جولىن 1997 جىلى قازاق راديوسىنىڭ رەپورتەرى بولىپ باستاعان. ۇزاق جىلدار «حابار» اگەنتتىگى مەن «Qazaqstan» تەلەارناسىندا سپورت ءجۋرناليسى بولعان. «Qazsport» مەملەكەتتىك تەلەارناسىنىڭ تۇڭعىش ديرەكتورى، «Insport» تەلەارناسىنىڭ باس رەداكتورى قىزمەتىن اتقارعان.
2003-2007 جىلدارى سپورت جانە تۋريزم ىستەرى اگەنتتىگىنىڭ ءباسپاسوز قىزمەتىنىڭ باسشىسى، ءباسپاسوز حاتشىسى، 2010 — 2012 جىلدارى «استانا-سك» كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى، 2012-2013 جىلدارى سپورت جانە دەنە شىنىقتىرۋ ىستەرى اگەنتتىگى توراعاسىنىڭ كەڭەسشىسى بولعان. سونداي-اق وليمپيادا جانە ازيا ويىندارىنىڭ، سپورت تۇرلەرىنەن الەم چەمپيوناتتارىنىڭ سپورت شولۋشىسى جانە قر قۇراماسىنىڭ ءباسپاسوز اتتاشەسى قىزمەتتەرىن اتقارعان.
بۇعان دەيىن دياس احمەتشارىپتىڭ ينسۋلت الىپ، كوماعا تۇسكەنىن جازعان ەدىك.
