Belgılı jurnalist, «Qazsport» telearnasynyŋ tūŋǧyş direktory Dias Ahmetşärıp qaitys boldy. Qaraly habardy «Qazaqstan» ūlttyq arnasy jetkızdı, dep habarlaidy «Adyrna» tılşısı.
Ol eŋbek jolyn 1997 jyly Qazaq radiosynyŋ reporterı bolyp bastaǧan. Ūzaq jyldar «Habar» agenttıgı men «Qazaqstan» telearnasynda sport jurnalisı bolǧan. «Qazsport» memlekettık telearnasynyŋ tūŋǧyş direktory, «Insport» telearnasynyŋ bas redaktory qyzmetın atqarǧan.
2003-2007 jyldary Sport jäne turizm ısterı agenttıgınıŋ baspasöz qyzmetınıŋ basşysy, baspasöz hatşysy, 2010 — 2012 jyldary «Astana-SK» korporativtık qorynyŋ qoǧammen bailanys departamentınıŋ direktory, 2012-2013 jyldary Sport jäne dene şynyqtyru ısterı agenttıgı Töraǧasynyŋ keŋesşısı bolǧan. Sondai-aq Olimpiada jäne Aziia oiyndarynyŋ, sport türlerınen älem chempionattarynyŋ sport şoluşysy jäne QR qūramasynyŋ baspasöz attaşesı qyzmetterın atqarǧan.
Būǧan deiın Dias Ahmetşärıptıŋ insult alyp, komaǧa tüskenın jazǧan edık.
