بۇگىن — الەمگە ايگىلى قازاق ءانشىسى، كومپوزيتور، مۋلتينسترۋمەنتاليست ديماش قۇدايبەرگەن 31 جاسقا تولدى، دەپ حابارلايدى “ادىرنا” ۇلتتىق پورتالى.
اقتوبە قالاسىندا 1994 جىلى دۇنيەگە كەلگەن ديماش – ەرەكشە داۋىس دياپازونى، جاندى ورىنداۋى جانە ونەرگە دەگەن شەكسىز ادالدىعىمەن الەم تىڭدارماندارىن باۋراپ العان تۇلعا. ول العاش رەت بەس جاسىندا ساحناعا شىعىپ، التى جاسىندا رەسپۋبليكالىق بايقاۋدا جەڭىسكە جەتكەن.
جاس كۇنىنەن-اق حالىقارالىق بايقاۋلاردا توپ جارىپ، “جاس قانات”، “سلاۆيان بازارى”، “I am a singer” سەكىلدى ءىرى جوبالار ارقىلى الەمگە تانىلدى. ول قازاق، اعىلشىن، ورىس، قىتاي، فرانتسۋز جانە باسقا دا بىرنەشە تىلدە ءان ورىندايدى. 2017 جىلى ازيانىڭ ەڭ تانىمال ءانشىسى اتانىپ، “Top Chinese Music Award” جۇلدەسىن جەڭىپ الدى.
بيىل تۋعان كۇنىنە وراي ديماشتىڭ پولياك جانكۇيەرلەرى ۆارشاۆاداعى پولشا عىلىم اكادەمياسىنىڭ بوتانيكالىق باعىندا ەسكەرتكىش المۇرت اعاشىن وتىرعىزدى. اعاش جانىنا ارنايى تاقتا قويىلىپ، وندا ديماشتىڭ 6 وكتاۆادان تۇراتىن ۆوكالدىق دياپازونى مەن QR-كودپەن ونىڭ رەسمي YouTube ارناسىنا سىلتەمە بەرىلگەن.
