اقتاۋدا 29 جاستاعى ەر ادامعا جەدەل جاردەمدى الداپ شاقىرعانى ءۇشىن 117 960 تەڭگە كولەمىندە ايىپپۇل سالىندى، دەپ حابارلايدى "ادىرنا" ۇلتتىق پورتالى Lada.kz-كە سىلتەمە جاساپ.
وقيعا 22 مامىر كۇنى كەشكە 26-شاعىن اۋداندا بولعان. ەر ادام جەدەل جاردەمگە قوڭىراۋ شالىپ، كوپ مولشەردە ءدارى قابىلداعانىن ايتقان.
دارىگەرلەر كەلگەن كەزدە، ول ءوز ءسوزىنىڭ جالعان ەكەنىن مويىنداعان. قالجىڭ ءۇشىن جاسالعان بۇل ارەكەتتى سوت اقشا تۇرىندە باعالادى. شاقىرتۋ جالعان دەپ تانىلىپ، ازاماتقا اكىمشىلىك قۇقىقبۇزۋشىلىق تۋرالى كودەكستىڭ 438-بابى بويىنشا حاتتاما تولتىرىلدى.
وبلىستىق جەدەل جانە شۇعىل مەديتسينالىق جاردەم ستانتسياسى ءباسپاسوز قىزمەتىنىڭ مالىمەتىنشە، ارنايى قىزمەتتەرگە ادەيى جالعان شاقىرتۋ جاساعانى ءۇشىن اقتاۋ تۇرعىنىنا 117 960 تەڭگە كولەمىندە ايىپپۇل سالىنعان.