يزرايل قورعانىس كۇشتەرى سيريانىڭ لاتاكيا پروۆينتسياسىنداعى زىمىراندارى بار قارۋ قويمالارىنا اۋە سوققى جاساعانىن مالىمدەدى، دەپ حابارلايدى "ادىرنا" ۇلتتىق پورتالى.
حابارلامادا اتاپ وتىلگەندەي، سوققى سيريا جاعالاۋىندا ورنالاسقان، حالىقارالىق جانە يزرايلدىك ناۆيگاتسيا قاۋىپسىزدىگىنە قاتەر ءتوندىرۋى مۇمكىن ارتيللەريالىق جۇيەلەرگە ارنالعان زىمىراندار ساقتالعان نىساندارعا باعىتتالعان.
ء"بىراز ۋاقىت بۇرىن يزرايل سيريانىڭ لاتاكيا ايماعىندا جاعالاۋدا ورنالاسقان جانە ناۆيگاتسيا ەركىندىگىنە قاۋىپ توندىرگەن زىمىران
قويمالارىنا سوققى جاسادى", – دەلىنگەن رەسمي مالىمدەمەدە.
سونداي-اق اسكەريلەر زىمىرانداردىڭ "جەر-اۋە" تيپىندەگى جۇيەلەردىڭ قۇرامداس بولىكتەرىن ساقتاۋعا ارنالعان قويمالار دا نىساناعا الىنعانىن جەتكىزدى.
بۇل – ءيزرايلدىڭ سيريا اۋماعىنا باعىتتاعان العاشقى سوققىسى ەمەس. بۇعان دەيىن، 2 مامىر كۇنى دە ءيزرايلدىڭ اۋە كۇشتەرى سيرياداعى بىرقاتار اسكەري نىساندارعا سوققى جاساعانى حابارلانعان بولاتىن.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز