تۇركيا استاناسىندا رەسەي مەن ۋكراينا دەلەگاتسيالارىنىڭ قاتىسۋىمەن بەيبىت كەلىسسوزدەردىڭ ەكىنشى راۋندى ءوتتى، دەپ حابارلايدى "ادىرنا" ۇلتتىق پورتالى.
كەلىسسوز شامامەن ءبىر ساعاتقا سوزىلدى. بۇل – سوڭعى ەكى اپتا ىشىندەگى ەكىنشى تىكەلەي كەزدەسۋ.
ۋكراينا تاراپى بەيبىتشىلىككە قول جەتكىزۋ ءۇشىن قاجەتتى قادامدارعا بارۋعا دايىن ەكەنىن مالىمدەدى. ال رەسەي ءوز شارتتارى كورسەتىلگەن "مەموراندۋم" ۇسىناتىنىن حابارلادى. الايدا كەلىسسوزدەر تۇنگى شەكارا ماڭىنداعى قارقىندى اتىستاردان كەيىن باستالعان بولاتىن.
ۋكراينا پرەزيدەنتى ۆلاديمير زەلەنسكي ۆيلنيۋستە وتكەن ءباسپاسوز ءماسليحاتىندا تاراپتاردىڭ رەتتەۋ ماسەلەلەرى بويىنشا قۇجاتتارمەن الماستىرعانىن جانە تۇتقىنداردى بوساتۋدىڭ جاڭا كەزەڭىنە دايىندالىپ جاتقانىن مالىمدەدى.
تۇركيا سىرتقى ىستەر مينيسترلىگىنىڭ دەرەگى بويىنشا، دەلەگاتسيالار ىستامبۇلدان ۇشىپ كەتەدى.
