قازاقستان رەسپۋبليكاسى ۇكىمەتىنىڭ 2024 جىلعى 30 جەلتوقسانداعى №1134 قاۋلىسىمەن بەكىتىلگەن «جۇمىسشى ماماندىقتار جىلىن وتكىزۋ جونىندەگى ءىس-شارالار جوسپارىنىڭ» 61-تارماعىنا سايكەس، «Talap» كوممەرتسيالىق ەمەس اكتسيونەرلىك قوعامىنىڭ ۇيىمداستىرۋىمەن «قازاقستان رەسپۋبليكاسى كوللەدجدەرىنىڭ ۇزدىك 100 ستۋدەنتى» رەسپۋبليكالىق كونكۋرسى وتكىزىلدى.
اتالعان كونكۋرسقا وبلىس كوللەدجدەرىنەن 26 ۇزدىك ستۋدەنت قاتىسىپ، ونىڭ ىشىنەن 10 ستۋدەنت رەسپۋبليكالىق كەزەڭگە جولداما الدى. ناتيجەسىندە، ءۇش ۇلىتاۋلىق جاس جەڭىمپاز اتانىپ، قازاقستان رەسپۋبليكاسى وقۋ-اعارتۋ ءمينيسترى عاني بەيسەمباەۆپەن كەزدەسىپ، استانا قالاسىندا سالتاناتتى تۇردە ماراپاتتالدى.
ۇلىتاۋ ءوڭىرىنىڭ جەڭىمپازدارى:
1. بەيسەن اقديدار جايىققىزى – جەزقازعان گۋمانيتارلىق كوللەدجىنىڭ 4 كۋرس ستۋدەنتى، «باستاۋىش ءبىلىم بەرۋ پەداگوگيكاسى مەن ادىستەمەسى» ماماندىعى بويىنشا ءبىلىم الۋدا. ول – پيونەر اۋىلىنىڭ تۋماسى، جاستار اراسىنداعى كوشباسشى، كوللەدجدەگى «جىگەر» ستۋدەنتتىك پارلامەنتىنىڭ پرەزيدەنتى جانە جەزقازعان قالالىق «جاستار رۋحى» جاستار قاناتى بولىمشەسىنىڭ توراعاسى. اقديدار – قوعامدىق ىستەردە بەلسەندىلىك تانىتىپ، جاس بۋىننىڭ دامۋىنا ۇلەس قوسىپ جۇرگەن ءۇمىتتى

2. التاۋ ەركەناز باۋىرجانقىزى – جەزقازعان يندۋستريالدىق-گۋمانيتارلىق كوللەدجىنىڭ 4 كۋرس ستۋدەنتى، «دەنە تاربيەسى جانە سپورت» ماماندىعى بويىنشا ءبىلىم الۋدا. ەركەناز – دەنە شىنىقتىرۋ سالاسىنىڭ بولاشاق بىلىكتى مامانى، تاجىريبەسى مەن تەورياسىن ۇشتاستىرا بىلگەن ماقساتكەر جاس. ول مەملەكەت باسشىسىنىڭ باستاماسىمەن جاريالانعان جۇمىسشى جاستار جىلى اياسىندا بەلسەندىلىك تانىتىپ، ۇستازدىق ماماندىقتىڭ ابىرويىن ارتتىرۋعا ۇلەس قوسىپ كەلەدى.

3. مەرحان نۇربولعان قۇدايبەرگەنۇلى – جەزقازعان بيزنەس جانە كولىك كوللەدجىنىڭ 4 كۋرس ستۋدەنتى. «ەلەكترومونتاجدىق جۇمىستار» قۇزىرەتتىلىگى بويىنشا WorldSkills چەمپيوناتتارىنىڭ وبلىستىق، ايماقتىق جانە رەسپۋبليكالىق كەزەڭدەرىنىڭ جۇلدەگەرى. سونىمەن قاتار، حالىقارالىق دەڭگەيدەگى «جۇمىسشى ماماندىقتار قالاسى» فەستيۆالىنە قاتىسىپ، مەملەكەت باسشىسى قاسىم-جومارت توقاەۆپەن جانە وقۋ-اعارتۋ مينيسترىمەن كەزدەسۋ مۇمكىندىگىنە يە بولدى.

ۇلىتاۋ وبلىسىنىڭ بۇل ءۇش ماقتانىشى – ەڭبەكقورلىق پەن تاباندىلىقتىڭ جارقىن ۇلگىسى. ءبىز جاس بۋىننىڭ جەتىستىكتەرىمەن ماقتانامىز جانە ولاردىڭ كاسىبي جولىندا تابىس تىلەيمىز!