باتىس قازاقستان وبلىسىندا ءبىر وتباسىنداعى بەس بالانىڭ ءومىرىن قيعان ورتكە قاتىستى العاشقى بولجام ايتىلدى، دەپ حابارلايدى "ادىرنا" ۇلتتىق پورتالى.
بۇل تۋرالى توتەنشە جاعدايلار ۆيتسە-ءمينيسترى كەگەن تۇرسىنباەۆ سەنات كۋلۋارىندا ءمالىم ەتتى.
ۆيتسە-ءمينيستردىڭ ايتۋىنشا، قايعىلى وقيعا كەزىندە بالالاردىڭ اكەسى جۇمىستا بولعان، ال اناسى دۇكەنگە كەتىپ، بالالاردى ۇيگە سىرتىنان جاۋىپ كەتكەن. الدىن الا بولجام بويىنشا، ءورت بالالاردىڭ ويىنىنان شىققان.
"الدىن الا سەبەپ – بالالاردىڭ ويىنى. قازىر ساراپتاما جۇمىستارى اياقتالۋعا جاقىن. تەرگەۋ جالعاسىپ جاتىر", – دەدى كەگەن تۇرسىنباەۆ.
سونداي-اق ول وتباسىنىڭ قازان ايىنا دەيىن گازبەن جابدىقتالعان بۇرىنعى ۇيدە تۇرعانىن، الايدا ءبىر اي بۇرىن باسقا ۇيگە كوشكەنىن ايتتى.
ەسكە سالايىق، 4 مامىردا سىرىم اۋدانىنا قاراستى جىمپيتى اۋىلىنداعى جەكە تۇرعىن ۇيدەن ءورت شىعىپ، 1 جاستان 6 جاسقا دەيىنگى بەس بالا كوز جۇمعان بولاتىن. قايعىلى جاعدايدان كەيىن وبلىستىق پوليتسيا دەپارتامەنتى قىلمىستىق ءىس قوزعادى.
