الماتى وبلىسىندا جەدەل جاردەم كولىگى جاياۋ جۇرگىنشىنى قاعىپ كەتتى، دەپ حابارلايدى “ادىرنا” ۇلتتىق پورتالى.
سالدارىنان جۇرگىنشى وقيعا ورنىندا كوز جۇمدى.
جول اپاتى 11 ماۋسىم كۇنى الماتى – وسكەمەن تاس جولىنىڭ 75-شاقىرىمىندا بولعان.
وبلىستىق پوليتسيا دەپارتامەنتى وقيعانى راستادى. رەسمي مالىمەتكە سايكەس، Hyundai H350 ماركالى جەدەل جاردەم كولىگىنىڭ جۇرگىزۋشىسى جول ۇستىندە جاياۋ جۇرگىنشىنى قاعىپ كەتكەن.
“جول-كولىك وقيعاسى سالدارىنان جاياۋ جۇرگىنشى العان جاراقاتىنان وقيعا ورنىندا قايتىس بولدى. اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر”، – دەلىنگەن پوليتسيا حابارلاماسىندا.
قازىر وقيعانىڭ بارلىق ءمان-جايى انىقتالۋ ۇستىندە.
ۇقساس جاڭالىقتار
