«كۇرشىم - ادالدىق الاڭى» جوباسىنىڭ قاراشا ايىنداعى جوسپارىنا سايكەس، اعىمداعى جىلدىڭ 27 قاراشاسى كۇنى كۇرشىم اۋدانىنىڭ ق.تۇرار اتىنداعى مادەنيەت ۇيىندە «ەلەكتروندى ازامات» اتتى كورسەتىلەتىن مەملەكەتتىك قىزمەتتەر جارمەڭكەسى ءوتتى.
«كۇرشىم - ادالدىق الاڭى» جوباسىنىڭ ماقساتى: ازاماتتارعا قولايلى جاعداي جاساۋ بولعاندىقتان، جارمەڭكەدە مەملەكەتتىك قىزمەتتەر ساپاسىن ارتتىرۋ، كورسەتىلەتىن مەملەكەتتىك قىزمەتتەر تۋرالى حالىقتىڭ حاباردار بولۋ دەڭگەيىن ارتتىرۋ جانە ەلەكتروندىق مەملەكەتتىك قىزمەتتەردى كەڭىنەن تاراتۋ نەگىزىندە ەلەكتروندى قىزمەتتەردىڭ قولايلى ءارى جىلدامدىعى تۋرالى ءتۇسىندىرۋ جۇمىستارى جۇرگىزىلدى. جارمەڭكە اۋدان اكىمىنىڭ اپپاراتىمەن جەرگىلىكتى اتقارۋشى ورگاندارىمەن بىرلەسىپ وتكىزىلدى.
سونداي-اق، دەربەس بولىمدەردىڭ ماماندارى، دەنساۋلىق ساقتاۋ، مەملەكەتتىك كىرىستەر سالاسىنىڭ ماماندارى تاراپىنان ازاماتتارعا، جەكە كاسىپكەرلەرگە كونسۋلتاتسيالىق كەڭەستەر دە بەرىلدى.
تۇرعىندارعا اسا قاجەتتى قىزمەتتەر: ەلەكتروندى تسيفرلى قولتاڭبا الۋ، تۇرعىن ءۇي كەزەگىنە تۇرۋ، ازاماتتىق حال اكتىلەرى سالاسىنداعى قىزمەتتەر (نەكەگە وتىرۋ، اكەلىكتى انىقتاۋ، تەگىن وزگەرتۋ، بالا تۋدى تىركەۋ ت.ب.), سالىقتى ونلاين تولەۋ، دارىگەردى ۇيگە شاقىرتۋ، ناركالوگيالىق، پسيحونەۆرولوگيالىق انىقتامالاردى قالاي الۋ كەرەكتىگى ءتۇسىندىرىلدى.
جارمەڭكەگە 150 ادام قاتىسىپ، ونىڭ ىشىندە 64 ادام مەملەكەتتىك قىزمەتتەردى ەلەكتروندى تۇردە الدى.
سونىمەن قاتار، حالىققا جادىنامالار، بروشيۋرالار تاراتىلدى.
