«ءۇيى جوقتىڭ – كۇيى جوق» - دەمەكشى بۇگىندە باسپاناعا قول جەتكىزە الماي، پاتەردەن-پاتەرگە كوشىپ، شاراداي باسى شاقشاداي بولىپ جۇرگەن قازاقستاندىقتار از ەمەس. وسىناۋ وزەكتى ماسەلەنى شەشۋ ماقساتىندا مەملەكەت تاراپىنان ونداعان باعدارلامالار قابىلدانىپ جاتىر.
قر اقپارات جانە قوعامدىق دامۋ مينيسترلىگى، "ازاماتتىق باستامالاردى قولداۋ ورتالىعى" كەاق گرانتتىق قارجىلاندىرۋىمەن "بەس الەۋمەتتىك باستامانى ىسكە اسىرۋ بويىنشا «ازاماتتىق باقىلاۋ» قوعامدىق مونيتورينگىن جۇرگىزۋ" اتتى جوباسى اياسىندا «جامبىل وبلىسى جاستار ۇيىمدارىنىڭ قاۋىمداستىعى» زتب تاراز قالاسى اكىمدىگىنىڭ تۇرعىن ءۇي قاتىناستارى ءبولىمىنىڭ باسشىسى عازيز ەراليەۆپەن سۇحباتتاستى.
سۇحبات بارىسىندا ازاماتتاردىڭ باسپانالى بولۋى ءۇشىن مەملەكەت تاراپىنان قابىلدانعان «باقىتتى وتباسى»، «7-20-25» باعدارلامالارى تۋراسىندا اڭگىمە ءوربىپ، وبلىس اكىمدىگىنىڭ قۇرىلىس باسقارماسىنىڭ مۇرىندىق بولۋىمەن جۇزەگە اسىرعالى جاتقان «تۇرعىن ءۇي سەرتيفيكاتىنا» جامبىلدىقتاردىڭ قالاي قول جەتكىزۋگە بولاتىندىعى باياندالعان.
عازيز ەراليەۆتىڭ سوزىنشە، بيىل 15 مولمەك اۋدانىنداعى 115 پاتەر كىلتى ءوز يەلەرىنە تاپسىرىلسا، ءالى 9 كوپقاباتتى ءۇيدىڭ 180 پاتەرى ساتىلماي تۇرعان كورىنەدى. بۇل ۇيلەردىڭ 70 پايىزى «قازاقستاننىڭ تۇرعىن ءۇي قۇرىلىس جيناق بانكىنە" تيەسىلى بولسا، 30 پايىزى 7-20-25 باعدارلاماسىنىڭ ەنشىسىندە ەكەن.
«باسپانالى بولعىسى كەلەتىن ازاماتتارعا قويىلاتىن باستى تالاپ – تولەم قابىلەتى جوعارى بولۋى. قازىر تاڭدا «اراي-2» اۋدانىندا 44 پاتەر، ال «15 مولتەك اۋدانىندا» 180 پاتەردىڭ وتپەۋىنىڭ باستى سەبەبى - تۇرعىنداردىڭ تولەم قابىلەتىنىڭ تومەندىگى مەن ەكىنشى دەڭگەيلى بانكتەردە نەسيەلەرىنىڭ كوپتىگىندە بولىپ وتىر. ونىڭ ۇستىنە، تۋعان-تۋىستىڭ ءوزى باۋىرىنا 20-25 جىلعا كەپىل بولعىسى كەلمەيدى»، - دەيدى ءبولىم باسشىسى.
مۇنان سوڭ ەكەۋارا سۇحبات جۋىردا عانا قابىلدانعان «باقىتتى وتباسى» باعدارلاماسى توڭىرەگىندە ساباقتاسقان.
"باقىتتى وتباسى" باعدارلاماسىنا كىمدەر قاتىسا الادى؟ دەگەن ساۋالعا عازيز ەراليەۆ بىلاي دەپ جاۋاپ بەرگەن: «باعدارلاما اكىمدىكتە باسپاناعا مۇقتاج تۇلعا رەتىندە كەزەكتە تۇرعان كوپبالالى، تولىق ەمەس جانە مۇگەدەك بالالاردى تاربيەلەپ وتىرعان وتباسىلارعا نەسيە بەرۋگە ارنالعان. باعدارلاماعا ماۋسىم-تامىز ايلارىندا 950 وتباسى جولداما السا، تەك 350 ادامنىڭ تولەم قابىلەتى راستالعان»
سونداي-اق ءبولىم باسشىسى جوعارى اتالعان ساناتتاعى ازاماتتارعا ارناپ، سالىنىپ جاتقان 8 جاتاقحانانىڭ قۇرىلىسى اياقتالۋعا جاقىن قالعانىن تىلگە تيەك ەتىپ، جالپى جاڭادان بوي كوتەرىپ جاتقان تۇرعىن ۇيلەردىڭ ساپاسىن قالالىق قۇرلىس جانە ساۋلەت ءبولىمى ءجىتى قاعالايتىنىن، ۇيدەن اقاۋ تابىلعاننىڭ وزىندە مەردىگەر كومپانيا 3 جىلعا دەيىن پاتەردى جوندەپ بەرۋگە مىندەتتى ەكەنىن اتاپ وتكەن.
سۇحبات سوڭىندا جەرگىلىكتى بيلىكتىڭ باستاۋىمەن قولعا الىنىپ، وبلىستىق قۇرىلىس باسقارماسى جۇزەگە اسىرعالى وتىرعان ايماق حالقىن تۇرعىن ۇيمەن قامتاماسىز ەتۋ ماقساتىندا «تۇرعىن ءۇي سەرتيفيكا» تۋرالى ءسوز قوزعالعان. عازيز ەراليەۆتىڭ ايتۋىنشا، تۇرعىن ءۇي كەزەگىندە تۇرعان ازاماتتارعا العاشقى جارنا ياعني تۇرعىن ءۇيدىڭ 10 پايىزىنىڭ 99 پايىزىن جەرگىلىكتى بيلىك نەسيە ەسەبىندە 15 جىلعا 0,1 پايىزبەن بەرىلمەك. ال ءۇيدى حالىقتىڭ ءوزى تاڭداي الادى ەكەن.
«ادىرنا»
ۇلتتىق پورتالى
