«Üiı joqtyŋ – küiı joq» - demekşı bügınde baspanaǧa qol jetkıze almai, päterden-päterge köşıp, şaradai basy şaqşadai bolyp jürgen qazaqstandyqtar az emes. Osynau özektı mäselenı şeşu maqsatynda memleket tarapynan ondaǧan baǧdarlamalar qabyldanyp jatyr.
QR Aqparat jäne qoǧamdyq damu ministrlıgı, "Azamattyq bastamalardy qoldau ortalyǧy" KEAQ granttyq qarjylandyruymen "Bes äleumettık bastamany ıske asyru boiynşa «Azamattyq baqylau» qoǧamdyq monitoringın jürgızu" atty jobasy aiasynda «Jambyl oblysy jastar ūiymdarynyŋ Qauymdastyǧy» ZTB Taraz qalasy äkımdıgınıŋ Tūrǧyn üi qatynastary bölımınıŋ basşysy Ǧaziz Eralievpen sūhbattasty.
Sūhbat barysynda azamattardyŋ baspanaly boluy üşın memleket tarapynan qabyldanǧan «Baqytty otbasy», «7-20-25» baǧdarlamalary turasynda äŋgıme örbıp, oblys äkımdıgınıŋ qūrylys basqarmasynyŋ mūryndyq boluymen jüzege asyrǧaly jatqan «Tūrǧyn üi sertifikatyna» jambyldyqtardyŋ qalai qol jetkızuge bolatyndyǧy baiandalǧan.
Ǧaziz Eralievtıŋ sözınşe, biyl 15 mölmek audanyndaǧy 115 päter kıltı öz ielerıne tapsyrylsa, älı 9 köpqabatty üidıŋ 180 päterı satylmai tūrǧan körınedı. Būl üilerdıŋ 70 paiyzy «Qazaqstannyŋ tūrǧyn üi qūrylys jinaq bankıne" tiesılı bolsa, 30 paiyzy 7-20-25 baǧdarlamasynyŋ enşısınde eken.
«Baspanaly bolǧysy keletın azamattarǧa qoiylatyn basty talap – tölem qabıletı joǧary boluy. Qazır taŋda «Arai-2» audanynda 44 päter, al «15 möltek audanynda» 180 päterdıŋ ötpeuınıŋ basty sebebı - tūrǧyndardyŋ tölem qabıletınıŋ tömendıgı men ekınşı deŋgeilı bankterde nesielerınıŋ köptıgınde bolyp otyr. Onyŋ üstıne, tuǧan-tuystyŋ özı bauyryna 20-25 jylǧa kepıl bolǧysy kelmeidı», - deidı bölım basşysy.
Mūnan soŋ ekeuara sūhbat juyrda ǧana qabyldanǧan «Baqytty otbasy» baǧdarlamasy töŋıregınde sabaqtasqan.
"Baqytty otbasy" baǧdarlamasyna kımder qatysa alady? degen saualǧa Ǧaziz Eraliev bylai dep jauap bergen: «Baǧdarlama äkımdıkte baspanaǧa mūqtaj tūlǧa retınde kezekte tūrǧan köpbalaly, tolyq emes jäne mügedek balalardy tärbielep otyrǧan otbasylarǧa nesie beruge arnalǧan. Baǧdarlamaǧa mausym-tamyz ailarynda 950 otbasy joldama alsa, tek 350 adamnyŋ tölem qabıletı rastalǧan»
Sondai-aq bölım basşysy joǧary atalǧan sanattaǧy azamattarǧa arnap, salynyp jatqan 8 jataqhananyŋ qūrylysy aiaqtaluǧa jaqyn qalǧanyn tılge tiek etıp, jalpy jaŋadan boi köterıp jatqan tūrǧyn üilerdıŋ sapasyn qalalyq qūrlys jäne säulet bölımı jıtı qaǧalaitynyn, üiden aqau tabylǧannyŋ özınde merdıger kompaniia 3 jylǧa deiın päterdı jöndep beruge mındettı ekenın atap ötken.
Sūhbat soŋynda jergılıktı bilıktıŋ bastauymen qolǧa alynyp, oblystyq qūrylys basqarmasy jüzege asyrǧaly otyrǧan aimaq halqyn tūrǧyn üimen qamtamasyz etu maqsatynda «tūrǧyn üi sertifika» turaly söz qozǧalǧan. Ǧaziz Eralievtıŋ aituynşa, tūrǧyn üi kezegınde tūrǧan azamattarǧa alǧaşqy jarna iaǧni tūrǧyn üidıŋ 10 paiyzynyŋ 99 paiyzyn jergılıktı bilık nesie esebınde 15 jylǧa 0,1 paiyzben berılmek. Al üidı halyqtyŋ özı taŋdai alady eken.
«ADYRNA»
ūlttyq portaly
