تارازداعى سۇمدىق: وقۋشى قىزدى دارەتحانادا زورلاعان پەدوفيلگە سوت ۇكىمى شىقتى

تارازدا 12 جاستاعى قىزدى دالاداعى مەكتەپ دارەتحاناسىندا زورلاعان ەر ادامعا سوت ۇكىمى شىقتى. قىلمىستىق ءىس جامبىل وبلىستىق ماماندىرىلعان سوتىندا قارالدى، دەپ حابارلايدى Sputnik قازاقستان تىلشىسى. 38 جاستاعى ەر ادام قىلمىستىق كودەكستىڭ 120-بابىنىڭ 4-بولىگى (زورلاۋ) جانە 121-بابىنىڭ 4-بولىگى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا كىنالى دەپ تانىلىپ، 25 جىلعا باس بوستاندىعىنان ايىرىلدى. العاشقى 5 جىلىن ءبىر تۇرمەدە وتكىزسە، ودان كەيىن قاۋىپسىزدىگى بارىنشا جوعارى كولونياعا اۋىستىرىلاتىن بولادى. "جازاسىن وتەۋ ورنىندا الكوگوليزمنەن، ناشاقورلىقتان ماجبۇرلەپ ەمدەۋ، سونىمەن قاتار حيميالىق كاستراتسيالاۋ تۇرىندەگى مەديتسينالىق سيپاتتاعى ماجبۇرلەۋ شارالارى تاعايىندالدى", - دەيدى وبلىستىق سوتتىڭ ءباسپاسوز حاتشىسى رايحان راتوۆا. سوتتا بالانىڭ زاڭدى وكىلىنىڭ ازاماتتىق تالابى تولىق كولەمدە قاناعاتتاندىرىلدى. سوتتالعان 5 000 000 تەڭگە كولەمىندەگى مورالدىق شىعىندى وتەپ بەرۋگە مىندەتتى. سوت ۇكىمى زاڭدى كۇشىنە ەنگەن جوق.

دارەتحاناداعى زورلاۋ

سۇمدىق وقيعا بىلتىر 18 قاراشادا تارازداعى مەكتەپتە بولدى. 7-سىنىپ وقۋشىسى گەوگرافيا ءپانى كەزىندە دارەتحاناعا سۇرانىپ شىققان. سول جەردە ونى پەدوفيل زورلايدى. قىلمىسكەر مەكتەپتىڭ بەينەكامەرالارىنا ءتۇسىپ قالدى. ول ءبىر ساعات بويى ءبىلىم مەكەمەسىنىڭ جانىندا جۇرگەن. بىراق وعان ەشكىم ءمان بەرمەدى. وقيعادان كەيىن اتا-انالار مەكتەپ باسشىلىعىن جازالاۋدى تالاپ ەتتى. وسىدان كەيىن وبلىستىق ءبىلىم باسقارماسىنىڭ جەتەكشىسى، مەكتەپ ديرەكتورى مەن ساباق كەزىندە دارەتحاناعا جىبەرگەن مۇعالىم، كەزەكشى مۇعالىم، ۆاحتەر مەن وقۋ ءىسىنىڭ مەڭگەرۋشىسى قىزمەتىنەن كەتتى. ال پرەزيدەنت قاسىم-جومارت توقاەۆ تاراز قالاسىنىڭ اكىمى قايرات دوساەۆتى قىزمەتىنەن بوساتتى. وبلىس باسشىسىنا ەسكەرتۋ جاسالدى. پوليتسەيلەر ۇستالعان ادامنىڭ بۇرىن ۇرلىق ءۇشىن ءىستى بولعانىن انىقتادى.