Tarazdaǧy sūmdyq: oquşy qyzdy därethanada zorlaǧan pedofilge sot ükımı şyqty

Tarazda 12 jastaǧy qyzdy daladaǧy mektep därethanasynda zorlaǧan er adamǧa sot ükımı şyqty. Qylmystyq ıs Jambyl oblystyq mamandyrylǧan sotynda qaraldy, dep habarlaidy Sputnik Qazaqstan tılşısı. 38 jastaǧy er adam qylmystyq kodekstıŋ 120-babynyŋ 4-bölıgı (zorlau) jäne 121-babynyŋ 4-bölıgı (seksualdyq sipattaǧy zorlyq-zombylyq äreketterı) boiynşa kınälı dep tanylyp, 25 jylǧa bas bostandyǧynan aiyryldy. Alǧaşqy 5 jylyn bır türmede ötkızse, odan keiın qauıpsızdıgı barynşa joǧary koloniiaǧa auystyrylatyn bolady. "Jazasyn öteu ornynda alkogolizmnen, naşaqorlyqtan mäjbürlep emdeu, sonymen qatar himiialyq kastrasiialau türındegı medisinalyq sipattaǧy mäjbürleu şaralary taǧaiyndaldy", - deidı oblystyq sottyŋ baspasöz hatşysy Raihan Ratova. Sotta balanyŋ zaŋdy ökılınıŋ azamattyq talaby tolyq kölemde qanaǧattandyryldy. Sottalǧan 5 000 000 teŋge kölemındegı moraldyq şyǧyndy ötep beruge mındettı. Sot ükımı zaŋdy küşıne engen joq.

Därethanadaǧy zorlau

Sūmdyq oqiǧa byltyr 18 qaraşada Tarazdaǧy mektepte boldy. 7-synyp oquşysy geografiia pänı kezınde därethanaǧa sūranyp şyqqan. Sol jerde ony pedofil zorlaidy. Qylmysker mekteptıŋ beinekameralaryna tüsıp qaldy. Ol bır saǧat boiy bılım mekemesınıŋ janynda jürgen. Bıraq oǧan eşkım män bermedı. Oqiǧadan keiın ata-analar mektep basşylyǧyn jazalaudy talap ettı. Osydan keiın oblystyq bılım basqarmasynyŋ jetekşısı, mektep direktory men sabaq kezınde därethanaǧa jıbergen mūǧalım, kezekşı mūǧalım, vahter men oqu ısınıŋ meŋgeruşısı qyzmetınen kettı. Al prezident Qasym-Jomart Toqaev Taraz qalasynyŋ äkımı Qairat Dosaevty qyzmetınen bosatty. Oblys basşysyna eskertu jasaldy. Poliseiler ūstalǧan adamnyŋ būryn ūrlyq üşın ıstı bolǧanyn anyqtady.