Pedofıl alǵashqy 5 jylyn bir túrmede ótkizse, odan keıin qaýipsizdigi barynsha joǵary kolonııaǵa aýystyrylady
Tarazda 12 jastaǵy qyzdy daladaǵy mektep dárethanasynda zorlaǵan er adamǵa sot úkimi shyqty. Qylmystyq is Jambyl oblystyq mamandyrylǵan sotynda qaraldy, dep habarlaıdy Sputnik Qazaqstan tilshisi.
38 jastaǵy er adam qylmystyq kodekstiń 120-babynyń 4-bóligi (zorlaý) jáne 121-babynyń 4-bóligi (seksýaldyq sıpattaǵy zorlyq-zombylyq áreketteri) boıynsha kináli dep tanylyp, 25 jylǵa bas bostandyǵynan aıyryldy. Alǵashqy 5 jylyn bir túrmede ótkizse, odan keıin qaýipsizdigi barynsha joǵary kolonııaǵa aýystyrylatyn bolady.
"Jazasyn óteý ornynda alkogolızmnen, nashaqorlyqtan májbúrlep emdeý, sonymen qatar hımııalyq kastraııalaý túrindegi medıınalyq sıpattaǵy májbúrleý sharalary taǵaıyndaldy", - deıdi oblystyq sottyń baspasóz hatshysy Raıhan Ratova.
Sotta balanyń zańdy ókiliniń azamattyq talaby tolyq kólemde qanaǵattandyryldy. Sottalǵan 5 000 000 teńge kólemindegi moraldyq shyǵyndy ótep berýge mindetti. Sot úkimi zańdy kúshine engen joq.
Dárethanadaǵy zorlaý
Sumdyq oqıǵa byltyr 18 qarashada Tarazdaǵy mektepte boldy. 7-synyp oqýshysy geografııa páni kezinde dárethanaǵa suranyp shyqqan. Sol jerde ony pedofıl zorlaıdy.
Qylmysker mekteptiń beınekameralaryna túsip qaldy. Ol bir saǵat boıy bilim mekemesiniń janynda júrgen. Biraq oǵan eshkim mán bermedi. Oqıǵadan keıin ata-analar mektep basshylyǵyn jazalaýdy talap etti.
Osydan keıin oblystyq bilim basqarmasynyń jetekshisi, mektep dırektory men sabaq kezinde dárethanaǵa jibergen muǵalim, kezekshi muǵalim, vahter men oqý isiniń meńgerýshisi qyzmetinen ketti.
Al prezıdent Qasym-Jomart Toqaev Taraz qalasynyń ákimi Qaırat Dosaevty qyzmetinen bosatty. Oblys basshysyna eskertý jasaldy.
Polıeıler ustalǵan adamnyń buryn urlyq úshin isti bolǵanyn anyqtady.
