امەريكانىڭ كاليفورنيا شتاتىندا كوروناۆيرۋستىڭ جاپپاي تارالۋىنا بايلانىستى توتەنشە جاعداي جاريالاندى. بۇل تۋرالى گۋبەرناتور گەۆين نيۋسوم حابارلادى.
ءباسپاسوز كونفەرەنتسياسى كەزىندە نيۋسوم شتاتتاعى جاعدايلار توتەنشە جاعداي رەجيمىن جاريالاۋعا اكەپ سوققانىن جانە اۋرۋدىڭ تارالۋىمەن كۇرەس ءۇشىن فەدەرالدى رەسۋرستار الۋ كەرەگىن مالىمدەدى.
شتاتتا كوروناۆيرۋس جۇقتىرعان 53 ادام تىركەلگەن. سارسەنبى كۇنى وسى اۋرۋدان شتاتتا العاشقى ادام قايتىس بولعانى بەلگىلى بولدى.
كاليفورنيا بيلىك وكىلدەرىنىڭ ايتۋىنشا، قايتىس بولعان ادام Grand Princess كرۋيز لاينەرىندە جۇقتىرعان بولۋى مۇمكىن.
