ۇلتتىق بانك بازالىق مولشەرلەمەنى 12 پايىزعا ءوسىردى، - دەپ حابارلايدى Tengrinews.kz ءتىلشىسى.
"9 ناۋرىزدا مەملەكەت باسشىسىنىڭ تاپسىرماسىمەن ۇكىمەت پەن ۇلتتىق بانك الەمدىك مۇناي نارىعىنداعى احۋال جانە ماكروەكونوميكالىق تۇراقتىلىقتى قامتاماسىز ەتۋ شارالارى تۋرالى بىرلەسكەن ۇندەۋ جاسادى", - دەدى ۇلتتىق بانك توراعاسى ەربولات دوساەۆ ۇكىمەت وتىرىسىندا.
"سىرتقى سەكتورداعى قاۋىپتىڭ جوعارىلاۋى جاعدايىندا باعا تۇراقتىلىعىن ساقتاپ، تەڭگەنىڭ ايىرباستاۋ باعامىن قورعاۋ قاجەت. سوندىقتان ۇلتتىق بانك كەزەكتەن تىس وتىرىستا بازالىق مولشەرلەمەنى بيىلعى 10 ناۋرىزدان باستاپ +/- 1,5 پايىزدىق پۋنكتپەن 12 پايىزعا دەيىن وسىرۋگە شەشىم قابىلدادى", - دەدى ول.
ول بازالىق مولشەرلەمەنىڭ ءوسۋى ماكروەكونوميكالىق جانە قارجىلىق تۇراقتىلىقتى ساقتاۋعا، سىرتقى نارىقتاردىڭ ىشكى باعالار مەن دوللارلاندىرۋ دەڭگەيىنە تەرىس اسەرىن بولدىرماۋعا جاعداي جاسايدى دەپ ءتۇسىندىردى.
