Ūlttyq bank bazalyq mölşerlemenı 12 paiyzǧa ösırdı

Ūlttyq bank bazalyq mölşerlemenı 12 paiyzǧa ösırdı, - dep habarlaidy Tengrinews.kz tılşısı. "9 nauryzda Memleket basşysynyŋ tapsyrmasymen ükımet pen Ūlttyq bank älemdık mūnai naryǧyndaǧy ahual jäne makroekonomikalyq tūraqtylyqty qamtamasyz etu şaralary turaly bırlesken ündeu jasady", - dedı Ūlttyq bank töraǧasy Erbolat Dosaev ükımet otyrysynda. "Syrtqy sektordaǧy qauıptıŋ joǧarylauy jaǧdaiynda baǧa tūraqtylyǧyn saqtap, teŋgenıŋ aiyrbastau baǧamyn qorǧau qajet. Sondyqtan Ūlttyq bank kezekten tys otyrysta bazalyq mölşerlemenı biylǧy 10 nauryzdan bastap +/- 1,5 paiyzdyq punktpen 12 paiyzǧa deiın ösıruge şeşım qabyldady", - dedı ol. Ol bazalyq mölşerlemenıŋ ösuı makroekonomikalyq jäne qarjylyq tūraqtylyqty saqtauǧa, syrtqy naryqtardyŋ ışkı baǧalar men dollarlandyru deŋgeiıne terıs äserın boldyrmauǧa jaǧdai jasaidy dep tüsındırdı.