نۇر-سۇلتان، الماتى جانە شىمكەنت قالالارىندا تەز تۇرعىزىلاتىن قۇرىلىمداردان ءۇش جۇقپالى اۋرۋلار اۋرۋحانالارى سالىنادى، دەپ حابارلادى قازتاگ پرەمەر-ءمينيستردىڭ ءباسپاسوز قىزمەتىنەن.
«دەنساۋلىق ساقتاۋ مينيسترلىگىنىڭ ۇسىنىسى بويىنشا نۇر-سۇلتان، الماتى جانە شىمكەنت قالالارىندا تەز تۇرعىزىلاتىن قۇرىلىمداردان ءۇش جۇقپالى اۋرۋلار اۋرۋحانالارىن سالۋ تۋرالى شەشىم قابىلداندى»، - دەلىنگەن جۇماداعى حاباردا.
ەستەرىڭىزگە سالا كەتەيىك، 2019 جىلدىڭ جەلتوقسان ايىنىڭ سوڭىندا قىتايدا ەتيولوگياسى بەلگىسىز پنەۆمونيا اۋرۋى تىركەلدى. سوڭعى مالىمەتتەرگە سايكەس، COVID-19 كوروناۆيرۋسىنان تۋىنداعان پنەۆمونيامەن اۋىراتىن ناۋقاستاردىڭ جالپى سانى جۇزدەگەن مىڭنان اسسا، قايتىس بولعاندار ونداعان مىڭنان استام.
2020 جىلدىڭ 30 قاڭتارىندا قازاقستان قىتايعا اۆتوبۋس قاتىناسىن (29 قاڭتاردان باستاپ), جولاۋشىلار پويىزدارىن (1 اقپاننان) جانە اۋە قاتىناسىن (3 اقپاننان) توقتاتاتىندىعى بەلگىلى بولدى. 6 اقپاندا «قازپوشتا» قىتايمەن پوشتالىق بايلانىستى توقتاتتى. 1 ناۋرىزدان باستاپ قازاقستان وڭتۇستىك كورەيا جانە يرانمەن اۋە تاسىمالىن قىسقارتتى.
سونداي-اق، كوروناۆيرۋس ۆەنگرياداعى قازاقستاندىقتان دا تابىلدى.
15 ناۋرىزدا قازاقستان پرەزيدەنتى توقاەۆ 16 ناۋرىزدان باستاپ قازاقستاندا توتەنشە جاعداي جاريالاۋ تۋرالى وكىم ەتتى.
17 ناۋرىزدا قر پرەزيدەنتى جانىنداعى تج رەجيمىن قامتاماسىز ەتەتىن مەمكوميسسيا نۇر-سۇلتان مەن الماتى قالالارىندا 19 ناۋرىز ساعات 00.00-دەن باستاپ كارانتين رەجيمىن ەنگىزدى. سوعان بايلانىستى ازاماتتار مەن كولىكتەردىڭ كىرۋىنە جانە شىعۋىنا شەكتەۋ ەنگىزىلگەن. 28 ناۋرىزدان باستاپ نۇر-سۇلتان مەن الماتىدا جانە شىمكەنتتە كارانتين شارالارى كۇشەيتىلدى.
بۇگىنگى تاڭدا قازاقستاندا كوروناۆيرۋستى جۇقتىرۋدىڭ 453 جاعدايى تىركەلىپ، 28-ءى جازىلىپ، ءۇش ادام كوز جۇمدى.
نۇر-سۇلتاندا، الماتى مەن شىمكەنتتە تەز تۇرعىزىلاتىن قۇرىلىمداردان ءۇش جۇقپالى اۋرۋلار اۋرۋحاناسى سالىنادى
03.04.2020
2580
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз