Nūr-Sūltan, Almaty jäne Şymkent qalalarynda tez tūrǧyzylatyn qūrylymdardan üş jūqpaly aurular auruhanalary salynady, dep habarlady QazTAG premer-ministrdıŋ baspasöz qyzmetınen.
«Densaulyq saqtau ministrlıgınıŋ ūsynysy boiynşa Nūr-Sūltan, Almaty jäne Şymkent qalalarynda tez tūrǧyzylatyn qūrylymdardan üş jūqpaly aurular auruhanalaryn salu turaly şeşım qabyldandy», - delıngen jūmadaǧy habarda.
Esterıŋızge sala keteiık, 2019 jyldyŋ jeltoqsan aiynyŋ soŋynda Qytaida etiologiiasy belgısız pnevmoniia auruy tırkeldı. Soŋǧy mälımetterge säikes, COVID-19 koronavirusynan tuyndaǧan pnevmoniiamen auyratyn nauqastardyŋ jalpy sany jüzdegen myŋnan assa, qaitys bolǧandar ondaǧan myŋnan astam.
2020 jyldyŋ 30 qaŋtarynda Qazaqstan Qytaiǧa avtobus qatynasyn (29 qaŋtardan bastap), jolauşylar poiyzdaryn (1 aqpannan) jäne äue qatynasyn (3 aqpannan) toqtatatyndyǧy belgılı boldy. 6 aqpanda «Qazpoşta» Qytaimen poştalyq bailanysty toqtatty. 1 nauryzdan bastap Qazaqstan Oŋtüstık Koreia jäne İranmen äue tasymalyn qysqartty.
Sondai-aq, koronavirus Vengriiadaǧy qazaqstandyqtan da tabyldy.
15 nauryzda Qazaqstan prezidentı Toqaev 16 nauryzdan bastap Qazaqstanda tötenşe jaǧdai jariialau turaly ökım ettı.
17 nauryzda QR prezidentı janyndaǧy TJ rejimın qamtamasyz etetın Memkomissiia Nūr-Sūltan men Almaty qalalarynda 19 nauryz saǧat 00.00-den bastap karantin rejimın engızdı. Soǧan bailanysty azamattar men kölıkterdıŋ kıruıne jäne şyǧuyna şekteu engızılgen. 28 nauryzdan bastap Nūr-Sūltan men Almatyda jäne Şymkentte karantin şaralary küşeitıldı.
Bügıngı taŋda Qazaqstanda koronavirusty jūqtyrudyŋ 453 jaǧdaiy tırkelıp, 28-ı jazylyp, üş adam köz jūmdy.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz