Basty bet
Jańalyqtar
Nur-Sultanda, Almaty men Shymkentte tez turǵyzylatyn qurylymdardan úsh juqpaly aýrýlar aýrýhanasy salynady

Nur-Sultanda, Almaty men Shymkentte tez turǵyzylatyn qurylymdardan úsh juqpaly aýrýlar aýrýhanasy salynady

03.04.2020

2579

Nur-Sultan, Almaty jáne Shymkent qalalarynda tez turǵyzylatyn qurylymdardan úsh juqpaly aýrýlar aýrýhanalary salynady, dep habarlady QazTAG premer-mınıstrdiń baspasóz qyzmetinen.
«Densaýlyq saqtaý mınıstrliginiń usynysy boıynsha Nur-Sultan, Almaty jáne Shymkent qalalarynda tez turǵyzylatyn qurylymdardan úsh juqpaly aýrýlar aýrýhanalaryn salý týraly sheshim qabyldandy», - delingen jumadaǵy habarda.
Esterińizge sala keteıik, 2019 jyldyń jeltoqsan aıynyń sońynda Qytaıda etıologııasy belgisiz pnevmonııa aýrýy tirkeldi. Sońǵy málimetterge sáıkes, COVID-19 koronavırýsynan týyndaǵan pnevmonııamen aýyratyn naýqastardyń jalpy sany júzdegen myńnan assa, qaıtys bolǵandar ondaǵan myńnan astam.
2020 jyldyń 30 qańtarynda Qazaqstan Qytaıǵa avtobýs qatynasyn (29 qańtardan bastap), jolaýshylar poıyzdaryn (1 aqpannan) jáne áýe qatynasyn (3 aqpannan) toqtatatyndyǵy belgili boldy. 6 aqpanda «Qazposhta» Qytaımen poshtalyq baılanysty toqtatty. 1 naýryzdan bastap Qazaqstan Ońtústik Koreıa jáne Iranmen áýe tasymalyn qysqartty.
Sondaı-aq, koronavırýs Vengrııadaǵy qazaqstandyqtan da tabyldy.
15 naýryzda Qazaqstan prezıdenti Toqaev 16 naýryzdan bastap Qazaqstanda tótenshe jaǵdaı jarııalaý týraly ókim etti.
17 naýryzda QR prezıdenti janyndaǵy TJ rejımin qamtamasyz etetin Memkomıssııa Nur-Sultan men Almaty qalalarynda 19 naýryz saǵat 00.00-den bastap karantın rejımin engizdi. Soǵan baılanysty azamattar men kólikterdiń kirýine jáne shyǵýyna shekteý engizilgen. 28 naýryzdan bastap Nur-Sultan men Almatyda jáne Shymkentte karantın sharalary kúsheıtildi.
Búgingi tańda Qazaqstanda koronavırýsty juqtyrýdyń 453 jaǵdaıy tirkelip, 28-i jazylyp, úsh adam kóz jumdy.