تۇركىستان وبلىسى اكىمىنىڭ ءبىرىنشى ورىنباسارى دۇنيەدەن وزدى

3399
Adyrna.kz Telegram

قوسمان قايىرتايۇلى ايتمۇحامەتوۆتىڭ 57 جاسىندا مەزگىلسىز قايتىس بولعاندىعى تۋرالى ءوز Facebook پاراقشاسىندا ءوڭىر اكىمىنىڭ ورىنباسارى ساكەن قالقامانوۆ جازدى.

تۇركىستان وبلىسى اكىمىنىڭ قوعامدىق قابىلداۋىنىڭ Facebook پاراقشاسىنا وبلىس اكىمى ومىرزاق شۇكەەۆ ءوزىنىڭ ءبىرىنشى ورىنباسارىنىڭ قازاسى تۋرالى جۇرەك تەبىرەنتەر جۇباتۋ ءسوزىن جازدى. 

«بۇل قارالى حابار مەن ءۇشىن وتە اۋىر بولدى. ءوزىمنىڭ ارىپتەس باۋىرىم، ءبىرىنشى ورىنباسارىم قوسمان قايىرتايۇلى ايتمۇحامبەتوۆتىڭ قازاسى تۋرالى، سۋىت حاباردى ەستگەندە توبەمنەن جاي تۇسكەندەي كۇيدە بولعانىمدى جاسىرا المايمىن. جۇرەك قان جىلاپ تۇر. قازاقستان ەلىنە بەلگىلى ازامات، قۇرمەتتى ارىپتەسىم قوسمان قايىرتايۇلىنىڭ دۇنيەدەن ءوتۋىن اۋىر كۇيزەلىسپەن قابىلدادىم. قيماستىق سەزىمىمدى جەتكىزۋ قيىنعا سوعۋدا... سانالى عۇمىرىن ەلىمىزدىڭ وركەندەۋىنە ارناعان اسىل ازامات ەدى. ءبىز ەكەۋمىز سوناۋ ەل استاناسى – استاناعا قازىرگى نۇر – سۇلتان قالاسىنا كوشكەن ساتتەن باستاپ ەتەنە تانىسىپ، قالا باسشىلىعىندا جۇرگەن جىلدارى سەنىمدى سەرىكتەرىمنىڭ، اداستىرماس اقىلداستارىمنىڭ ءبىرى بولا ءبىلدى.

مەملەكەت جانە قوعام قايراتكەرى، ابزال ازامات قوسمان ايتمۇحامبەتوۆ ءاربىر ءىستىڭ كوزىن تابا بىلەتىن بىلىكتى دە تالاپشىل باسشى ەدى. تۇركىستان وبلىسى اكىمىنىڭ ءبىرىنشى ورىنباسارى كەزىندە تۇركى الەمىنىڭ رۋحاني استاناسى – تۇركىستاننىڭ جاڭاشا كەيىپكە ەنۋىنن، ارىس قالاسىنداعى جارىلىستان تۋىنداعان توتەنشە جاعدايدىڭ زاردابىن جويۋعا اتسالىسىپ، سونداعى ۇيلەردىڭ سوڭعى شاتىرى جابىلعانشا بارىن سالىپ قۇرىلىستىڭ باسىندا ءجۇردى. ماقتاارال اۋدانىنداعى سۋ تاسقىنىنىڭ سالدارىن جويۋ شارالارىنا دا ولشەۋسىز ۇلەس قوسقان قوسمان قايىرتايۇلىنىڭ مەزگىلسىز ومىردەن ءوتۋ ءبارىمىزدىڭ دە جانىمىزدى كۇيزەلتىپ كەتتى.

سانالى عۇمىرىن ۇلت قىزمەتىنە، مەملەكەت ىسىنە ارناعان ازاماتتىڭ ءومىر جولى، ونەگەسى كەيىنگى ۇرپاققا وشپەس ۇلگى بولىپ قالا بەرەرى انىق.

«جاقسىنىڭ اتى ولمەيدى» دەيدى حالقىمىز. مەملەكەتتىك ىستە ءوز ورنەگى، قايتالانباس قولتاڭباسى بار ازاماتتىڭ ومىردەن وتۋىنە بايلانىستى مارقۇمنىڭ وتباسىنا، تۋعان – تۋىستارىنا قايعىلارىنا ورتاقتاسىپ، كوڭىل ايتامىن.مارقۇمنىڭ جاتقان جەرى جايلى، يمانى سالامات بولسىن. اسىل ازاماتتىڭ بەينەسى جادىمىزدا ۇزاق ساقتالادى» - دەلىنگەن وبلىس اكىمىنىڭ سوزىندە.

پىكىرلەر