وقۋ جىلىنىڭ العاشقى كۇنىندە «نازارباەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ بارلىق ينتەرنەت پلاتفورمالارىندا ۇستازدارعا ارنالعان — «ۇلىلىقتىڭ جولىندا ۇستاز تۇرار» اتتى جاڭا جوبا باستاۋ الدى. قىرگۇيەك بويى NIS-ءتىڭ الەۋمەتتىك جەلىلەردەگى بارلىق رەسمي پاراقشالارى مەن سايتتارىندا باستى كەيىپكەرلەرگە اينالاعان مۇعالىمدەردىڭ قۇرمەتىنە اسەرلى دە جۇرەكجاردى روليكتەر جاريالاندى.
ءاربىر دانا ۇستازدىڭ كەشە دارا شاكىرت بولعانى ايان جانە ولاردىڭ بىرقاتارى ەڭ ارداقتى جانە مارتەبەلى ماماندىققا دەگەن تاڭداۋلارىن بالا كۇندەرىندە جاساپ ۇلگەرگەن. ومىرلىك ۇستانىمدارمەن جازىلعان فوتوسۋرەتتەر NIS مۇعالىمدەرىنىڭ ماماندىقتارى مەن تاڭداۋلارى ۇيلەسىم تاپقاندىعىن دالەلدەيدى.
«ادىلەتتى، شىنايى، اشىق-جارقىن بولۋ، ءوز ماماندىعىنا شىن جۇرەكپەن بەرىلۋ – وسىنىڭ بارلىعى ناعىز ۇستازدىڭ دانالىعى، - دەيدى شىمكەنت قالاسىنداعى فيزيكا-ماتەماتيكا باعىتىنداعى مەكتەپتىڭ مودەراتور-مۇعالىمى اقمارال ەرمەكباەۆا. اقتاۋداعى NIS-ءتىڭ مودەراتور-مۇعالىمى ليزاۆەتتا حاميتوۆانىڭ ايتۋىنشا، كاسىبي جەتىستىك – قول جەتكىزگەن ناتيجەلەرگە توقتاماۋدان باستالادى.
قوستاناي قالاسىنداعى نازارباەۆ زياتكەرلىك مەكتەبىنىڭ ينفورماتيكا ءپانىنىڭ مودەراتور-مۇعالىمى الەكساندر شەرتسەر «ەگەر ءسىز ەڭبەكتى ءساتتى تاڭداپ، وعان جانىڭىزدى سالساڭىز، باقىت ءسىزدى ءوزى ىزدەپ تاباتىنىنا زور سەنىممەن قارايدى» دەيدى
التىن ۇيا مەكتەپتەرىنىڭ كورىنىسىندەگى سۋرەتتەر: سىنىپتاعى، تاقتا الدىنداعى جانە ەڭ باستىسى شاكىرتتەرىمەن شابىتتانعان كەيىپكەرلەر – كەز-كەلگەن سوزدەن دالەلدى.
كوپتەگەن وتباسىلاردا ىزدەۋ جۇمىستارى ۇلكەن شاراعا ۇلاسىپ، ناتيجەسىندە تابىلعان مۇراعاتتىق فوتوسۋرەتتەر كوپشىلىك قاۋىمنىڭ زور قىزىعۋشىلىعىن تۋدىردى. ۇستازدار اتا-انالارىمەن بىرگە ەسكى البوم بەتتەرىن پاراقتاپ، سۇيىكتى وقيعالارىن ەسكە ءتۇسىردى. ۋاقىت وتە كەلە سارعايعان، كەي تۇستارى بۇلىنگەن اق-قارا سۋرەتتەر، ۇستازدارىمىزدى اعاشتار ۇلكەن بولىپ كورىنگەن باقىتتى بالالىق شاققا ساپار شەككىزدى.
ەڭ كوپ قارالىمدى جوبا اياسىندا وتكەن ديرەكتورلار كۇنى جيناعان بولاتىن.
بارلىعى بەتپە-بەت شىنايى قارىم-قاتىناستى ساعىنعان ساتتە، قاشىقتان وقىتۋدىڭ قيىن كۇندەرىندە كەز-كەلگەن مەكتەپتىڭ باستى تۇلعاسى – ۇستازعا جىلى سوزدەرىمىز بەن ەموتسيالارىمىزدى سىيلادىق. جوبانىڭ اۆتورلارى كوپشىلىك تاراپىنان ءدال وسىنداي سۇرانىس پەن تابىستىلىقتى كۇتپەگەندەرىن جاسىرمايدى. شىن مانىندە بۇگىنگى دانا ۇستاز، كەشەگى دارا شاكىرت، «ۇلىلىقتىڭ جولىندا ۇستاز تۇرار!»
نزم ءباسپاسوز قىزمەتى
