Oqý jylynyń alǵashqy kúninde «Nazarbaev Zııatkerlik mektepteri» derbes bilim berý uıymynyń barlyq ınternet platformalarynda ustazdarǵa arnalǵan — «Ulylyqtyń jolynda ustaz turar» atty jańa joba bastaý aldy. Qyrgúıek boıy NIS-tiń áleýmettik jelilerdegi barlyq resmı paraqshalary men saıttarynda basty keıipkerlerge aınalaǵan muǵalimderdiń qurmetine áserli de júrekjardy rolıkter jarııalandy.
Árbir dana ustazdyń keshe dara shákirt bolǵany aıan jáne olardyń birqatary eń ardaqty jáne mártebeli mamandyqqa degen tańdaýlaryn bala kúnderinde jasap úlgergen. Ómirlik ustanymdarmen jazylǵan fotosýretter NIS muǵalimderiniń mamandyqtary men tańdaýlary úılesim tapqandyǵyn dáleldeıdi.
«Ádiletti, shynaıy, ashyq-jarqyn bolý, óz mamandyǵyna shyn júrekpen berilý – osynyń barlyǵy naǵyz ustazdyń danalyǵy, - deıdi Shymkent qalasyndaǵy fızıka-matematıka baǵytyndaǵy mekteptiń moderator-muǵalimi Aqmaral Ermekbaeva. Aqtaýdaǵy NIS-tiń moderator-muǵalimi Lızavetta Hamıtovanyń aıtýynsha, kásibı jetistik – qol jetkizgen nátıjelerge toqtamaýdan bastalady.
Qostanaı qalasyndaǵy Nazarbaev Zııatkerlik mektebiniń ınformatıka pániniń moderator-muǵalimi Aleksandr Sherer «eger Siz eńbekti sátti tańdap, oǵan janyńyzdy salsańyz, baqyt Sizdi ózi izdep tabatynyna zor senimmen qaraıdy» deıdi
Altyn uıa mektepteriniń kórinisindegi sýretter: synyptaǵy, taqta aldyndaǵy jáne eń bastysy shákirtterimen shabyttanǵan keıipkerler – kez-kelgen sózden dáleldi.
Kóptegen otbasylarda izdeý jumystary úlken sharaǵa ulasyp, nátıjesinde tabylǵan muraǵattyq fotosýretter kópshilik qaýymnyń zor qyzyǵýshylyǵyn týdyrdy. Ustazdar ata-analarymen birge eski albom betterin paraqtap, súıikti oqıǵalaryn eske túsirdi. Ýaqyt óte kele sarǵaıǵan, keı tustary búlingen aq-qara sýretter, ustazdarymyzdy aǵashtar úlken bolyp kóringen baqytty balalyq shaqqa sapar shekkizdi.
Eń kóp qaralymdy joba aıasynda ótken Dırektorlar kúni jınaǵan bolatyn.
Barlyǵy betpe-bet shynaıy qarym-qatynasty saǵynǵan sátte, qashyqtan oqytýdyń qıyn kúnderinde kez-kelgen mekteptiń basty tulǵasy – Ustazǵa jyly sózderimiz ben emoııalarymyzdy syıladyq. Jobanyń avtorlary kópshilik tarapynan dál osyndaı suranys pen tabystylyqty kútpegenderin jasyrmaıdy. Shyn máninde búgingi dana ustaz, keshegi dara shákirt, «Ulylyqtyń jolynda ustaz turar!»
NZM baspasóz qyzmeti
