شىمكەنت تۇرعىنى 70 جاستاعى زەينەتكەردى زورلاماق بولعان، دەپ حابارلايدى «ادىرنا» ءتىلشىسى شىمكەنت قالاسىنىڭ پوليتسيا دەپارتامەنتىنە سىلتەمە جاساپ.
2020 جىلدىڭ 17 جەلتوقسانىندا شامامەن ساعات 23:15-تە ەڭبەكشى اۋداندىق پوليتسيا باسقارماسىنىڭ كەزەكشى ءبولىمىنىڭ "102" سىمتەتىگىنە قوڭىراۋ ءتۇسىپ، قارت ايەلگە كومەك كەرەك دەگەن شاقىرتۋ كەلگەن. وقيعا ورنىنا شۇعىل بارعان جەدەل-تەرگەۋ توبى ءۇيدىڭ كىرەبەرىسىندە بەلگىسىز تۇلعانىڭ 70 جاسار ايەلدى زورلاماقشى بولعانىن انىقتادى.
سول كۇنى اتالعان جايت قر قك-ءنىڭ 24-بابى 3-بولىگى، 120-بابى 1-بولىگى (زورلاۋعا ارەكەت ەتۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. قابىلدانعان شارالاردىڭ ارقاسىندا كۇدىكتى ادامنىڭ جەكە باسى انىقتالدى. ول – شىمكەنت قالاسىنىڭ تۇرعىنى. بۇعان دەيىن بىرنەشە رەت سوتتى بولعان.
ايتا كەتەيىك، قازىرگى تاڭدا كۇدىكتى ادامدى ۇستاۋعا باعىتتالعان بارلىق قاجەتتى جەدەل-ىزدەستىرۋ ءىس-شارالارى جۇرگىزىلۋدە.
https://youtu.be/UTt9WA8GLrs
«ادىرنا» ۇلتتىق پورتالى
