بۇگىن باقتىگەرەي قۇلمانوۆتىڭ تۋعان كۇنى (ۆيدەو)

4199
Adyrna.kz Telegram

وسىدان تۋرا 161 جىل بۇرىن، ياعني 1859 جىلى 22 جەلتوقسان كۇنى استراحان گۋبەرنياسىنىڭ نيكولسك سەلوسىندا (قازىرگى اتىراۋ وبلىسى قۇرمانعازى اۋدانى) الاش قوزعالىسىنىڭ كورنەكتى قايراتكەرى باقتىگەرەي قۇلمانوۆ دۇنيە ەسىگىن اشتى. وسى مەرەيلى كۇنگە وراي، "ادىرنا" ۇلتتىق پورتالى قايراتكەردىڭ ءومىربايانى جايلى دەرەكتەر ۇسىنادى.

1872-1881 جىلدارى ورىنبور ەرلەر گيمنازياسىندا 9 جىل وقىپ، ونى العاشقى بىتىرگەن قازاقتاردىڭ ءبىرى، كۇمىس مەدالمەن ماراپاتتالعان.

جاڭگىر مەكتەبىن، سانكت-پەتەربۋرگتەگى يمپەراتور ۋنيۆەرسيتەتىنىڭ شىعىس فاكۋلتەتىن تامامداعان. 1887 جىلى عىلىم كانديداتى اتاعىن الىپ، كوپ ۋاقىت باكۋدەگى ءتۇرلى سايلانبالى جاۋاپتى جۇمىستاردا بولدى. ب.قۇلمانوۆ 1906-1907 جىلدارى ءى مەملەكەتتىك جانە ءىى مەملەكەتتىك دۋمالارعا ىشكى وردا قازاقتارىنان دەپۋتات بولىپ سايلانىپ، مۇسىلمان فراكتسياسىن باسقارعان. 1917 جىلعى ءساۋىردىڭ 23-نەن جەلتوقساننىڭ 2-نە دەيىن بوكەي ورداسىنداعى ۋاقىتشا ۇكىمەتتىڭ كوميسسارى بولدى.

ال 1917 جىلى 5-13 جەلتوقساندا وتكەن جالپىقازاقتىق سەزگە ول ارنايى شاقىرىلىپ، سەز پرەزيدۋمىنىڭ توراعاسى بولادى. سەزدە الاشوردا ۇكىمەتىنىڭ مۇشەلىگىنە سايلانادى. الاشوردا ۇكىمەتىنىڭ توراعاسىنىڭ ورنىنا ءاليحان بوكەيحانوۆ، ا.تۇرلىباەۆ پەن بىرگە ب.قۇلمانوۆتىڭ دا ءتۇسۋى دە كوپ جايتتى اڭعارتادى.

وسى سەزدەن كەيىن ول ەلىنە قايتىپ، ارتىنان سۇزەك اۋرۋىنان 1919 جىلى جاڭاقالادا قايتىس بولادى. كەيبىر ەنتسيكلوپەديادا جازىلىپ جۇرگەندەي، ول شەتەل اسىپ كەتكەن جوق.

 

پىكىرلەر