جاڭا جىلعا قاراعان ءتۇنى يتاليا استاناسى ريم قالاسىندا اسپاننان قۇستار جاۋدى. جۇزدەگەن قاراتورعاي جاڭا جىلدىق وتشاشۋدان سەسكەنگەندىكتەن وسىنداي جاعداي ورىن العان دەپ حابارلايدى "ادىرنا" ۇلتتىق پورتالى.
Corriere della Sera گازەتىنىڭ دەرەگىنشە، ادامدار قالانىڭ ءارتۇرلى بولىكتەرىندە كوشەنىڭ ءدال ورتاسىندا قۇلاعان ونداعان قۇستاردىڭ، نەگىزىنەن قاراتورعايدىڭ فوتوسۋرەتتەرى مەن ۆيدەولارىن الەۋمەتتىك جەلىدە تاراتا باستادى.
جەرگىلىكتى قۇستار ماكسيمۋس تسيركىنىڭ تەرميني ستانتسياسىنىڭ ماڭىندا قاتتى دىبىستار مەن وتشاشۋلاردىڭ جارقىلىنان جاسىرىنۋعا تىرىسقان. جۇرەكتەرى توقتاعان قۇستار ەلەكتر سىمدارىمەن جانە ۇيلەردىڭ تەرەزەلەرىمەن سوقتىعىسىپ، العان سوققىلارىنان جەرگە قۇلاعان. ولاردىڭ كەيبىرەۋلەرى قىرىلىپ قالدى.
جاڭا جىلعا دەيىن ريم مەرى ۆيردجينيا رادجي 31 جىلدىڭ 2020 جەلتوقسانىنان 6 جىلدىڭ 2021 قاڭتارىنا دەيىن وتشاشۋلار مەن ءورت سوندىرگىشتەردى شىعارۋعا تىيىم سالۋ تۋرالى جارلىققا قول قويعان.
