قازاقستاننىڭ تۇڭعىش پرەزيدەنتى نۇرسۇلتان نازارباەۆ ەلوردا اتاۋىن اۋىستىرۋعا قاتىستى پىكىر ءبىلدىردى، - دەپ حابارلايدى "ادىرنا" ۇلتتىق پورتالى Tengrinews.kz تىلشىسىنە سىلتەمە جاساپ.
"پرەزيدەنت قىزمەتىندە بولعانىمدا مەن بۇعان ارقاشان قارسى بولىپ، تۇبەگەيلى تىيىم سالعانمىن. تاۋەلسىزدىكتىڭ ءار كۇنى نەمەسە مەنىڭ تۋعان كۇنىمدە مەنىڭ اتىمدى كوشەگە، مەكتەپكە بەرگىسى كەلگەندەر بولدى. مەن تامامداعان اباي مەكتەبىن مەنىڭ اتىما قالاي اۋىستىرۋعا بولادى؟ بۇل ءسوزسىز قاتە عوي. بۇعان تىيىم سالدىم. مۇنى بىلەسىزدەر. كەلىسىم بەرگەنىم - ۋنيۆەرسيتەت اتاۋى. بۇل ماڭىزدى، الەمگە قاراساڭىزدار، بارلىق ۋنيۆەرسيتەت سول وقۋ ورنىن كىم قالاسا سونىڭ اتىمەن اتالادى. يدەياسىن ايتىپ، نازارباەۆ ۋنيۆەرسيتەتىن قۇردىم. بىرىنشىدەن، سول جاققا تارتۋ ءۇشىن كەلىستىم، ەكىنشىدەن جاستار وقۋعا قىزىقسىن دەدىم. مەن كەلىسىم بەرگەن جالعىز نىسان وسى. قاتە جاساعان بولسام، ايىپتىمىن، مويىندايمىن", - دەدى نۇرسۇلتان نازارباەۆ "شتريحي ك پورترەتۋ" دەرەكتى ءفيلمىنىڭ ءۇشىنشى سەرياسىندا.
نازارباەۆتىڭ ايتۋىنشا، قالعان نىساندارعا ەسىمىن بەرۋ ونىڭ كەلىسىمىنسىز بولعان.
"تاۋەلسىزدىكتىڭ 25 جىلدىعىنا وراي پارلامەنت قالا اتاۋىن وزگەرتۋدى، نۇر-سۇلتان دەپ اتاۋ تۋرالى ۇسىنىسىن جاسادى. مەن ەسكە سالىپ قويايىن، ونىڭ اتاۋى اكمولينسك نەمەسە اقمولا بولعان. ونى الەمگە تانىستىردىق، قوناقتاردى شاقىردىق. قازاق تىلىندە اكمولينسك، اقمولا ارقالاي، الدە بۇل قاتە تالداۋ سياقتى. بۇدان ارىلۋ ءۇشىن استانا دەپ وزگەرتۋ تۋرالى وي پايدا بولدى. پەكين دە سولتۇستىك استانا دەگەندى بىلدىرەدى. توكيونىڭ دا ماعىناسى ەلوردا. استانا - قازاق تىلىندە ەلوردا، تاۆتولوگيا، بىراق حالىققا بىردەن ءسىڭىپ كەتتى، الەم قابىلدادى. ەستەرىڭىزدە بولسا، ۇلىقتاۋ راسىمىندە قاسىم-جومارت كەمەلۇلى توقاەۆ ۇسىنىس جاسادى: وسى قالانى قۇرعان ادامعا، قۇرىلىسىنا ۇيىتقى بولعان ادامعا نۇر-استانا نەمەسە نۇر-سۇلتان دەپ اتاۋىن وزگەرتەيىك دەپ ۇسىنىس جاسادى. قالاعا قاراسام، سول جاعالاۋدا اشىق دالانى كورەتىنمىن. ەشتەڭە جوق ەدى، قازىر ەكسپو تۇرعان جەردە كارتوپ ەگىسى بولعان، قىرىققابات وسىرگەن. ەشتەڭە بولمادى. ەندى وسىنداي قالاعا اينالدى، جۇرتتى ءتانتى ەتەدى، قازاقستاندىقتاردى قۋانتادى", - دەدى ول.
الايدا ول جەتەكشىلەردى جانە قازاقستاندىقتاردى بۇعان اۋەستەنبەۋگە شاقىردى.
"وسى سۇحباتتى پايدالانا وتىرىپ، جەتەكشىلەردى، قازاقستاندىقتاردى اۋەستەنبەۋگە شاقىرامىن. ماعان مۇنىڭ قاجەتى جوق. كەي جەتەكشىلەر مەنەن كەيىن وسىنداي ەستەلىك قالادى دەپ ويلايدى. مەن جوق بولعاندا نە قالارىندا قانداي ماڭىزى بار؟ بۇل ءبىر ماسەلە. ەكىنشى ماسەلە - ءتىرى كەزىڭدە ەسكەرتكىش قويۋ ۇرپاق سەنى ەسىندە ساقتايتىنىنا سەنبەۋ. سوندىقتان وندايعا اۋەستەنبەۋگە شاقىرامىن. كەرىسىنشە، قازىر ءبىز قالالارعا تاريحي اتاۋىن قايتارىپ جاتىرمىز. بۇل الەمدەگى تاجىريبە. ۆاشينگتونعا دا تۇڭعىش پرەزيدەنت ەسىمى بەرىلگەن، مۇنداي مىسال كوپ. مەن بۇل مەملەكەتتى باسىنان باستاپ قالاعانىم، مەنىڭشە، فاكت", - دەدى ەلباسى.
