مەنىڭشە سايلاۋعا قاراعاندا پرايمەريز وتە تارتىستى ءوتتى. "نۇر وتان" پارتياسى سايلاۋعا جان-جاقتى دايىندىقپەن كەلگەنى انىق كورىنىپ تۇر.
- "نۇر وتان" 2019 جىلى پرايمەريزگە دايىندىق رەتىندە ءار وڭىردەن قالالار مەن اۋدانداردى تاڭداپ، پرايمەريزدى تەست رەتىندە ءبىر سىناقتان وتكىزىپ كورگەن.
- 2020 جىلى پرايمەريز تۇتاس ەل اۋماعىن قامتىدى. پرايمەريز اياسىندا 10 مىڭنان استام ازامات تىكەلەي ساياسي دوداعا ءتۇستى.
- اۋدان، قالا، اۋىلداردا دەباتتار ۇيىمداستىرىلىپ، پىكىرالۋاندىلىعى ورىن الدى، پروتسەسكە قاتىسقان حالىقتىڭ ساياسي مادەنيەتى كوتەرىلدى.
- ءار اۋدان، قالا بويىنشا 216 سايلاۋالدى باعدارلاما ازىرلەنىپ، ناقتى ىستەردىڭ اتقارىلار ۋاقىتى، ءتىزىمى بەكىتىلدى. پرايمەريزگە قاتىسقان ازاماتتار وسى باعدارلامالاردى نەگىزگە الا حالىقتىڭ الدىندا ۇگىت-ناسيحات جۇمىستارىن وتكىزدى. ەلگە ءتۇسىندىرۋ جۇمىستارى قاتىسۋشى ازاماتتار تاراپىنان ىسكە اسقان ءساتتى جوبا بولدى.
- ءبىزدىڭ ساياساتتا فۋتبولداعىداي ەكى ليگا بار. جوعارعى ليگا جانە تومەنگى ليگا. جوعارعى ليگادا بيلىكتە وتىرعان "نۇر وتان" پارتياسى عانا بار. وزگە ساياسي پارتيالار دا سايلاۋعا ءبىر اي قالعاندا بەلسەنۋدى قويىپ، 2026 جىلعى سايلاۋعا دايىندىقتى ەلمەن تۇراقتى جۇمىس ىستەۋدى ۇيرەنىپ قازىردەن باستاۋى قاجەت. پارتيالار اراسىنداعى ساياسي باسەكە جوعارعى ليگانىڭ دەڭگەيىنە شىعۋى ءتيىس. لايىم سولاي بولسىن!
