Menińshe saılaýǵa qaraǵanda praımerız óte tartysty ótti. "Nur Otan" partııasy saılaýǵa jan-jaqty daıyndyqpen kelgeni anyq kórinip tur.
- "Nur Otan" 2019 jyly praımerızge daıyndyq retinde ár óńirden qalalar men aýdandardy tańdap, praımerızdi test retinde bir synaqtan ótkizip kórgen.
- 2020 jyly praımerız tutas el aýmaǵyn qamtydy. Praımerız aıasynda 10 myńnan astam azamat tikeleı saıası dodaǵa tústi.
- Aýdan, qala, aýyldarda debattar uıymdastyrylyp, pikiralýandylyǵy oryn aldy, proeske qatysqan halyqtyń saıası mádenıeti kóterildi.
- Ár aýdan, qala boıynsha 216 saılaýaldy baǵdarlama ázirlenip, naqty isterdiń atqarylar ýaqyty, tizimi bekitildi. Praımerızge qatysqan azamattar osy baǵdarlamalardy negizge ala halyqtyń aldynda úgit-nasıhat jumystaryn ótkizdi. Elge túsindirý jumystary qatysýshy azamattar tarapynan iske asqan sátti joba boldy.
- Bizdiń saıasatta fýtboldaǵydaı eki lıga bar. Joǵarǵy lıga jáne tómengi lıga. Joǵarǵy lıgada bılikte otyrǵan "Nur Otan" partııasy ǵana bar. Ózge saıası partııalar da saılaýǵa bir aı qalǵanda belsenýdi qoıyp, 2026 jylǵy saılaýǵa daıyndyqty elmen turaqty jumys isteýdi úırenip qazirden bastaýy qajet. Partııalar arasyndaǵy saıası báseke joǵarǵy lıganyń deńgeıine shyǵýy tıis. Laıym solaı bolsyn!
