NIS روبوتتارى الەمگە تانىلدى

1824

الماتى قالالىق ءبىلىم باسقارماسى مەن ش.ءۋاليحانوۆ اتىنداعى جەكە مەنشىك مەكتەبى ۇيىمداستىرعان «KAZAKHSTAN International Robotics Competition» حالىقارالىق روبوتوتەحنيكا بايقاۋىندا تالدىقورعان قالاسىنداعى نازارباەۆ زياتكەرلىك مەكتەبىنىڭ وقۋشىلارى گران-ءپريدى جەڭىپ الدى. روبوتوتەحنيكا بايقاۋى ونلاين فورماتتا ءوتتى، وعان رەسەي، جاپونيا، تۇركيا، وزبەكستان، تاجىكستان جانە قازاقستان كوماندالارى قاتىستى.

نازارباەۆ زياتكەرلىك مەكتەبىنىڭ روبوتوتەحنيكا كومانداسى ادىلقازىلار القاسىنا ەكى روبوتتى ۇسىندى: «كىشى سانات» بولىمىندە «قوقىستى سۇرىپتاۋ روبوتىن» 8- سىنىپ وقۋشىلارى ارۋجان مامىروۆا مەن امينا قايراتقىزى تانىستىردى.

جوبا اۆتورلارىنىڭ زەرتتەۋى بويىنشا ادامزات جىل سايىن 2 ميلليارد توننادان استام تۇرمىستىق قاتتى قالدىقتاردى شىعارادى ەكەن. «نەگە بارلىق قوقىستار قايتا وڭدەلمەيدى؟» دەگەن سۇراققا زياتكەر وقۋشىلار جاۋاپ تاپتى. قالدىقتاردى از مولشەردە قايتا وڭدەۋدىڭ باستى سەبەبى - قالدىقتاردى سۇرىپتاۋدىڭ باستاپقى پروتسەسىنىڭ كۇردەلىلىگى.

بۇل ماسەلەنى شەشۋ ءۇشىن ازىرلەۋشىلەر قوقىستىڭ فيزيكالىق قاسيەتتەرىنە نەگىزدەلگەن، بىرنەشە روبوتتاندىرىلعان جۇيەلەردەن تۇراتىن قوقىستى سۇرىپتاۋعا ارنالعان كونۆەيەرلى جەلى جوباسىن ۇسىنىپ وتىر، ولاردىڭ ارقايسىسى تەك ءوزىنىڭ قوقىس ءتۇرىن تاڭداپ، ارنايى قوراپتارعا جينايدى.

ديلناز جەمىسبەك، ۆيكتور كوحنو جانە زياتكەرلىك مەكتەپتىڭ تۇلەگى دانيل فيليمونوۆ اۋماقتى قوقىستاردان تازارتۋ ماسەلەسىن شەشۋگە ءسال باسقاشا كوزقاراسپەن كەلدى. التى اياقتى روبوت ينجەنەرلىك روبوت جۇيەلەرى ساناتىندا ۇسىنىلدى. بۇل جوبانىڭ ەرەكشەلىگى - ول جولدىڭ بويىمەن وزدىگىنەن قوزعالۋعا جانە قوقىس جيناۋعا قابىلەتتى. سونداي-اق قوقىستى قۇرامى بويىنشا اجىراتىپ جانە العاشقى سۇرىپتاۋدى جاساي الادى. روبوتتىڭ باعدارلانۋى نەيروندىق جەلىلەرگە نەگىزدەلگەن. روبوتتىن ءار بولشەگىن وقۋشىلار 3D پرينتەر ارقىلى باسىپ شىعاردى.

تالدىقورعان قالاسىنداعى نازارباەۆ زياتكەرلىك مەكتەبى وقۋشىلارىنىڭ قۇراما كومانداسىنىڭ قوقىس جيناۋشى روبوتتارى حالىقارالىق «KAZAKHSTAN International Robotics Competition» بايقاۋىندا جوعارى باعاعا يە بولىپ، گران-ءپريدى جەڭىپ الدى!

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket