الماتىنىڭ جايلى ورتا باسقارماسى تەندەر وتكىزىپ، مەگاپوليستە كرەماتوري سالاتىن Mega Build Kazakhstan مەردىگەرىن تاڭدادى. نۇر-سۇلتان بيلىگى ازىرگە ەلوردالىق كرەماتوريگە ارنالعان جوبالاۋ-سمەتالىق قۇجاتتامانى (جسق) ازىرلەۋشىنى عانا تاڭدادى دەپ حابارلايدى «ادىرنا» ۇلتتىق پورتالى كۋرسيۆ-قازاقستانعا سىلتەمە جاساپ.
مەملەكەتتىك ساتىپ الۋ پورتالىنىڭ دەرەكتەرىنە سايكەس، الماتى بيلىگى 2020 جىلعى 21 جەلتوقساندا "Mega Build Kazakhstan" جشس-مەن 1,47 ملرد تەڭگە سوماسىنا كرەماتوري سالۋ شارتىنا قول قويدى. قۇجاتتار بويىنشا جۇمىستار 2021 جىلدىڭ 21 قىركۇيەگىندە اياقتالۋى ءتيىس. ساتىپ الۋ ءبىر كوزدەن تىكەلەي شارت جاساسۋ ارقىلى جۇرگىزىلدى.
ءبىر زالى جانە ەكى پەشى بار كرەماتوري الماتى قالاسىنىڭ الاتاۋ اۋدانىنداعى اقىن سارا كوشەسىنىڭ سولتۇستىگىندە، جەو-2 شىعىسىندا ورنالاسقان پاتولوگواناتوميالىق بيۋرو جانىندا سالىنادى.
قۇرىلتايشىسى ايدوس جۋرۋنوۆ بولىپ تابىلاتىن Mega Build Kazakhstan ءتۇرلى ماقساتتاعى وبەكتىلەردى سالۋعا ماماندانعان. كومپانيا سايتىنىڭ دەرەكتەرىنە قاراعاندا، Mega Build Kazakhstan مەردىگەر رەتىندە الماتىدا بىرنەشە ەليتالىق تۇرعىن ءۇي كەشەندەرىن، Tamos Education وقۋ ورتالىعىن، سونداي – اق ازيالىق گاز قۇبىرىن جانە "جەتىگەن-قورعاس"تەمىرجول جەلىسىن سالۋعا قاتىستى.
بۇعان دەيىن الماتى كرەماتوريىنىڭ جسق ازىرلەۋ تەندەرىن "DNT Center Stroy"جشس جەڭىپ العان بولاتىن. شارتقا سايكەس ول جۇمىستى بەس اي ىشىندە، ياعني 2020 جىلعى قازان ايىنىڭ سوڭىنا دەيىن 44,5 ملن تەڭگەگە ورىنداۋعا ءتيىس ەدى. وسى كومپانيا كرەماتوري قۇرىلىسىنىڭ بارىسىنا اۆتورلىق قاداعالاۋدى جۇزەگە اسىراتىن بولادى. بۇل قىزمەتتەر بيۋدجەتكە 15 ملن تەڭگەگە تۇسەدى.
نۇر-سۇلتاندا كرەماتوريدى كىم سالاتىنى ازىرگە بەلگىسىز. 2020 جىلدىڭ جەلتوقسان ايىنىڭ باسىندا ەلوردالىق قۇرىلىس باسقارماسى "بيولوگيالىق جانە مەديتسينالىق قالدىقتارى بار پاتولوگواناتوميالىق بيۋرونىڭ قۇرىلىسى"نىسانى بويىنشا جوبالاۋ-ىزدەستىرۋ جۇمىستارىن جۇرگىزۋگە شارت جاساستى. قۇجاتتاردا كەلىسىم-شارت 099 "زيراتتارمەن كرەماتوري سالۋ" بيۋدجەتتىك باعدارلاماسى بويىنشا تىركەۋگە جاتاتىندىعى ايتىلعان.
جوبالاۋشى – "ينجەنەرلىك جوبالاۋ بيۋروسى" جشس-2021 جىلدىڭ 28 اقپانىنا دەيىن جسق ۇسىنۋعا مىندەتتەلدى. جسق ازىرلەۋ قۇنى 41,9 ملن تەڭگەنى قۇرايدى.
«كۇيىپ كەتكەن» جوسپارلار
قازاقستاندا كرەماتوري سالۋ تۋرالى داۋلار 1980 جىلداردان بەرى جالعاسىپ كەلەدى.
2003 جىلى كرەماتسيا جابدىقتارىن جەتكىزۋشى چەح كومپانياسىنىڭ وكىلدەرىمەن كەزدەسۋدە ولار ءتىپتى وڭتۇستىك استاناعا ەكى كرەماتسيا پەشىن جەتكىزۋ تۋرالى شەشىم قابىلدادى، ال بيۋدجەتتە كرەماتوري سالۋعا قاراجات قاراستىرىلدى. بىراق جوبا كەيىنگە قالدىرىلدى.
كەلەسى جولى ماسەلە 2012 جىلى كوتەرىلدى، بىراق سول كەزدە الماتى قۇرىلىس باسقارماسى قازاقستاندا كرەماتوريلار ءدىن وكىلدەرىنىڭ مۇنداي جەرلەۋ تاسىلىنەن باس تارتۋىنا بايلانىستى ەشقاشان سالىنبايتىنىن حابارلادى.
دەگەنمەن، 2014 جىلى "سپەتسكومبينات سپەتسكومبينات ريتۋالنىح ۋسلۋگ" مكك وكىلدەرى اكىمدىكتىڭ تاپسىرىسى بويىنشا قۇنى $3 ملن.تۇراتىن كرەماتوري قۇرىلىسىنىڭ جوباسىن دايىندادى، بىراق سول كەزدە دە جوبا توقتاتىلدى.
الايدا، 2020 جىلعا ارنالعان رەسپۋبليكالىق بيۋدجەتتە بيلىك الماتى مەن نۇر-سۇلتاندا زيراتتارى بار كرەماتوريلەر سالۋعا تيىسىنشە 1,74 ملرد تەڭگە جانە 1,48 ملرد تەڭگە نىسانالى ترانسفەرتتەردى كوزدەدى.
ەستەرىڭىزگە سالا كەتەيىك، 2021 جىلدىڭ 18 قاڭتارىندا باق الماتى اكىمدىگى جايلى ورتا باسقارماسىنىڭ باستىعى ساپار نۇراشەۆتىڭ ۇستالعانى تۋرالى اقپارات تاراتقان بولاتىن.
تەكسەرىلمەگەن دەرەككوزدەرگە سىلتەمە جاساي وتىرىپ، شەنەۋنىكتىڭ الماتىدا مودۋلدىك جۇقپالى اۋرۋلار اۋرۋحاناسىن سالۋ كەزىندە قاراجات ۇرلادى (3,9 ملرد تەڭگە) دەپ كۇدىكتەنگەنى حابارلانعان. سونداي-اق، بۇل ءىس بويىنشا "BI-Industrial" جشس ديرەكتورى (BI Group كومپانيالارى قازاقستان بويىنشا 12 مودۋلدىك جۇقپالى اۋرۋلار اۋرۋحاناسىن سالۋمەن اينالىسقان) كۇدىكتىدەن ءوتىپ جاتقانى ايتىلدى. قر سىبايلاس جەمقورلىققا قارسى ءىس-قيمىل اگەنتتىگى نۇراشەۆ پەن BI-Industrial ديرەكتورىنىڭ ۇستالعانىن راستامادى. BI Group حولدينگى ءوز قىزمەتكەرىنىڭ ۇستالعانى تۋرالى اقپاراتتى جوققا شىعاردى.
سونىمەن قاتار، الماتىنىڭ سىبايلاس جەمقورلىققا قارسى قىزمەتى مودۋلدىك جۇقپالى اۋرۋلار اۋرۋحاناسىن سالۋ كەزىندە ۇرلىق تۋرالى ءىس قر قك 189-بابىنىڭ 2-بولىگى 4-تارماعى بويىنشا 2021 جىلعى 16 قاڭتاردا سدتبت-دە تىركەلگەنىن حابارلادى.
بۇعان دەيىن" كۋرسيۆ " الماتىنىڭ جايلى قالالىق ورتا باسقارماسى 2020 جىلدىڭ قورىتىندىسى بويىنشا قازاقستاننىڭ مەملەكەتتىك ورگاندارى اراسىندا جالپى سوماسى 230,8 ملرد تەڭگەگە 652 شارت جاسالعان كەلىسىمشارتتار سوماسى بويىنشا كوشباسشى بولعانىن جازعان بولاتىن.
الماتىنىڭ جايلى ورتا باسقارماسى كەلىسىم - شارت جاساسقان ەڭ ءىرى جەتكىزۋشىلەردىڭ ءبىرى-BI Group قۇرىلىس كومپانياسى. حولدينگ ءوزىنىڭ ءۇش كومپانياسى ارقىلى باسقارمامەن جالپى سوماسى 50 ملرد تەڭگەگە 9 كەلىسىمشارت جاساستى. مەملەكەتتىك قۇرىلىمدارمەن ءوزارا ءىس - قيمىل جاساعان BI Group-تىڭ" قىزدارى "- بۇل" KAZPACO "جشس،" BI-Industrial "جشس جانە"BI Urban Construction" جشس.
ەڭ قىمبات كەلىسىمشارت-الماتى قالاسىنىڭ ناۋرىزباي اۋدانىندا 300 توسەك-ورىنعا ارنالعان تەز تۇرعىزىلاتىن مودۋلدىك اۋرۋحانا سالۋ. مەردىگەر KAZPACO بولدى، كەلىسىمشارت سوماسى - 13,4 ملرد تەڭگە. مەردىگەر 2020 جىلدىڭ قازان ايىنىڭ باسىندا "اپورت" سوو جانىنداعى قالقامان شاعىن اۋدانىنداعى وسى جۇقپالى اۋرۋلار اۋرۋحاناسىن تاپسىردى.
"BI-Industrial" جشس-مەن تاعى ءبىر الماتى مودۋلدىك اۋرۋحاناسىنىڭ قۇرىلىسىنا 5,5 ملرد تەڭگەگە كەلىسىمشارت جاسالدى، بىراق الماتى قالاسىنىڭ الاتاۋ اۋدانىندا. مەردىگەر نىساندى 2020 جىلدىڭ ساۋىرىندە تاپسىردى.
سايىپ كەلگەندە، ميللياردتارعا سالىناتىن مۇنداي كرەماتوري نەندەي قاجەتتىلىكتەن تۋىندادى دەگەن سۇراق تۋىندايدى؟ قازاقستاندا ساناۋلى عانا ءدىن وكىلدەرى بارىن ەسكەرسەك، ءمايىتتى ورتەۋدى قۇپ كورەتىن ادامدى تابۋ قيىن-اق. سوعان قاراماستان، ەل بيۋدجەتىنەن سونشاما قاراجات شىعارىپ، ءمايىتتى ورتەۋ ورنىن سالۋعا ۇمتىلىپ وتىرعان كىمدەر؟ قوعام تاراپىنان تۋىنداعان قارسىلىققا قاراماستان سالىنعالى جاتقان كرەماتوري الداعى ۋاقىتتا ء"مايىتتى ورتەۋگە مىندەتتەيتىن" زاڭنىڭ شىعۋىنا تۇرتكى بولماسىنا كەپىلدىك تە جوق. ايتپەسە، ورتەيتىن ءمايىت جوق ەلدە كرەماتوري سالۋ اقىلدىنىڭ ءىسى مە؟ "ادىرنا" ۇلتتىق پورتالى بۇعان دەيىن كرەماتوري تاقىرىبىن بىرنەشە رەت كوتەرىپ، جازعان-دى. قوعام تاراپىنان بولعان قارسىلىقتى دا وسى سىلتەمەلەرگە ءوتۋ ارقىلى وقىپ بىلە الاسىز.
ورىس تىلىنەن اۋدارىپ، دايىنداعان مۇقاش مۇحتارۇلى.
«ادىرنا» ۇلتتىق پورتالى.
فوتو اشىق دەرەككوزدەن الىندى.
