Órteıtin máıiti joq elde 3,22 mlrd teńgege krematorıı salynbaq

4373
Adyrna.kz Telegram

Almatynyń jaıly orta basqarmasy tender ótkizip, megapolıste krematorıı salatyn Mega Build Kazakhstan merdigerin tańdady. Nur-sultan bıligi ázirge elordalyq krematorııge arnalǵan jobalaý-smetalyq qujattamany (JSQ) ázirleýshini ǵana tańdady dep habarlaıdy «Adyrna» ulttyq portaly Kýrsıv-Qazaqstanǵa silteme jasap.

Memlekettik satyp alý portalynyń derekterine sáıkes, Almaty bıligi 2020 jylǵy 21 jeltoqsanda "Mega Build Kazakhstan" JShS-men 1,47 mlrd teńge somasyna krematorıı salý shartyna qol qoıdy. Qujattar boıynsha jumystar 2021 jyldyń 21 qyrkúıeginde aıaqtalýy tıis. Satyp alý bir kózden tikeleı shart jasasý arqyly júrgizildi.

Bir zaly jáne eki peshi bar krematorıı Almaty qalasynyń Alataý aýdanyndaǵy aqyn Sara kóshesiniń soltústiginde, JEO-2 shyǵysynda ornalasqan patologoanatomııalyq bıýro janynda salynady.

Quryltaıshysy Aıdos Jýrýnov bolyp tabylatyn Mega Build Kazakhstan túrli maqsattaǵy obektilerdi salýǵa mamandanǵan. Kompanııa saıtynyń derekterine qaraǵanda, Mega Build Kazakhstan merdiger retinde Almatyda birneshe elıtalyq turǵyn úı keshenderin, Tamos Education oqý ortalyǵyn, sondaı – aq Azııalyq gaz qubyryn jáne "Jetigen-Qorǵas"temirjol jelisin salýǵa qatysty.

Buǵan deıin Almaty krematorııiniń JSQ ázirleý tenderin "DNT Center Stroy"JShS jeńip alǵan bolatyn. Shartqa sáıkes ol jumysty bes aı ishinde, ıaǵnı 2020 jylǵy qazan aıynyń sońyna deıin 44,5 mln teńgege oryndaýǵa tıis edi. Osy kompanııa krematorıı qurylysynyń barysyna avtorlyq qadaǵalaýdy júzege asyratyn bolady. Bul qyzmetter bıýdjetke 15 mln teńgege túsedi.

Nur-Sultanda krematorııdi kim salatyny ázirge belgisiz. 2020 jyldyń jeltoqsan aıynyń basynda elordalyq qurylys basqarmasy "bıologııalyq jáne medıınalyq qaldyqtary bar patologoanatomııalyq bıýronyń qurylysy"nysany boıynsha jobalaý-izdestirý jumystaryn júrgizýge shart jasasty. Qujattarda kelisim-shart 099 "zırattarmen krematorıı salý" bıýdjettik baǵdarlamasy boıynsha tirkeýge jatatyndyǵy aıtylǵan.

Jobalaýshy – "ınjenerlik jobalaý bıýrosy" JShS-2021 jyldyń 28 aqpanyna deıin JSQ usynýǵa mindetteldi. JSQ ázirleý quny 41,9 mln teńgeni quraıdy.

«Kúıip ketken» josparlar

Qazaqstanda krematorıı salý týraly daýlar 1980 jyldardan beri jalǵasyp keledi.

2003 jyly kremaııa jabdyqtaryn jetkizýshi cheh kompanııasynyń ókilderimen kezdesýde olar tipti ońtústik astanaǵa eki kremaııa peshin jetkizý týraly sheshim qabyldady, al bıýdjette krematorıı salýǵa qarajat qarastyryldy. Biraq joba keıinge qaldyryldy.

Kelesi joly másele 2012 jyly kóterildi, biraq sol kezde Almaty qurylys basqarmasy Qazaqstanda krematorıılar din ókilderiniń mundaı jerleý tásilinen bas tartýyna baılanysty eshqashan salynbaıtynyn habarlady.

Degenmen, 2014 jyly "Spekombınat Spekombınat rıtýalnyh ýslýg" MKK ókilderi ákimdiktiń tapsyrysy boıynsha quny $3 mln.turatyn krematorıı qurylysynyń jobasyn daıyndady, biraq sol kezde de joba toqtatyldy.

Alaıda, 2020 jylǵa arnalǵan respýblıkalyq bıýdjette bılik Almaty men Nur-Sultanda zırattary bar krematorııler salýǵa tıisinshe 1,74 mlrd teńge jáne 1,48 mlrd teńge nysanaly transfertterdi kózdedi.

Esterińizge sala keteıik, 2021 jyldyń 18 qańtarynda BAQ Almaty ákimdigi jaıly orta basqarmasynyń bastyǵy Sapar Nurashevtiń ustalǵany týraly aqparat taratqan bolatyn.

Tekserilmegen derekkózderge silteme jasaı otyryp, sheneýniktiń Almatyda modýldik juqpaly aýrýlar aýrýhanasyn salý kezinde qarajat urlady (3,9 mlrd teńge) dep kúdiktengeni habarlanǵan. Sondaı-aq, bul is boıynsha "BI-Industrial" JShS dırektory (BI Group kompanııalary Qazaqstan boıynsha 12 modýldik juqpaly aýrýlar aýrýhanasyn salýmen aınalysqan) kúdiktiden ótip jatqany aıtyldy. QR Sybaılas jemqorlyqqa qarsy is-qımyl agenttigi Nurashev pen BI-Industrial dırektorynyń ustalǵanyn rastamady. BI Group holdıngi óz qyzmetkeriniń ustalǵany týraly aqparatty joqqa shyǵardy.

Sonymen qatar, Almatynyń sybaılas jemqorlyqqa qarsy qyzmeti modýldik juqpaly aýrýlar aýrýhanasyn salý kezinde urlyq týraly is QR QK 189-babynyń 2-bóligi 4-tarmaǵy boıynsha 2021 jylǵy 16 qańtarda SDTBT-de tirkelgenin habarlady.

Buǵan deıin" Kýrsıv " Almatynyń jaıly qalalyq orta basqarmasy 2020 jyldyń qorytyndysy boıynsha Qazaqstannyń memlekettik organdary arasynda jalpy somasy 230,8 mlrd teńgege 652 shart jasalǵan kelisimsharttar somasy boıynsha kóshbasshy bolǵanyn jazǵan bolatyn.

Almatynyń jaıly orta basqarmasy kelisim - shart jasasqan eń iri jetkizýshilerdiń biri-BI Group qurylys kompanııasy. Holdıng óziniń úsh kompanııasy arqyly Basqarmamen jalpy somasy 50 mlrd teńgege 9 kelisimshart jasasty. Memlekettik qurylymdarmen ózara is - qımyl jasaǵan BI Group-tyń" qyzdary "- bul" KAZPACO "JShS," BI-Industrial "JShS jáne"BI Urban Construction" JShS.

Eń qymbat kelisimshart-Almaty qalasynyń Naýryzbaı aýdanynda 300 tósek-orynǵa arnalǵan tez turǵyzylatyn modýldik aýrýhana salý. Merdiger KAZPACO boldy, kelisimshart somasy - 13,4 mlrd teńge. Merdiger 2020 jyldyń qazan aıynyń basynda "Aport" SOO janyndaǵy Qalqaman shaǵyn aýdanyndaǵy osy juqpaly aýrýlar aýrýhanasyn tapsyrdy.

"BI-Industrial" JShS-men taǵy bir Almaty modýldik aýrýhanasynyń qurylysyna 5,5 mlrd teńgege kelisimshart jasaldy, biraq Almaty qalasynyń Alataý aýdanynda. Merdiger nysandy 2020 jyldyń sáýirinde tapsyrdy.

Saıyp kelgende, mıllıardtarǵa salynatyn mundaı krematorıı nendeı qajettilikten týyndady degen suraq týyndaıdy? Qazaqstanda sanaýly ǵana din ókilderi baryn eskersek, máıitti órteýdi qup kóretin adamdy tabý qıyn-aq. Soǵan qaramastan, el bıýdjetinen sonshama qarajat shyǵaryp, máıitti órteý ornyn salýǵa umtylyp otyrǵan kimder? Qoǵam tarapynan týyndaǵan qarsylyqqa qaramastan salynǵaly jatqan krematorıı aldaǵy ýaqytta "máıitti órteýge mindetteıtin" zańnyń shyǵýyna túrtki bolmasyna kepildik te joq. Áıtpese, órteıtin máıit joq elde krematorıı salý aqyldynyń isi me? "Adyrna" ulttyq portaly buǵan deıin krematorıı taqyrybyn birneshe ret kóterip, jazǵan-dy. Qoǵam tarapynan bolǵan qarsylyqty da osy siltemelerge ótý arqyly oqyp bile alasyz.

Orys tilinen aýdaryp, daıyndaǵan Muqash MUHTARULY.

«Adyrna» ulttyq portaly.

Foto ashyq derekkózden alyndy.

Pikirler