رەسەيدەگى جاعداي قازاقستان ءۇشىن ماڭىزدى

5074
Adyrna.kz Telegram

رەسەيدىڭ بارلىق ءىرى قالالارىندا اۋقىمدى ميتينگتەر ءوتتى. Reuters مالىمەتىنشە، ماسكەۋدەگى پۋشكين الاڭىنا عانا 40 مىڭنان استام ادام جينالعان. حالىق ناۆالنىيدىڭ بوستاندىققا شىعۋىن، رف پرەزيدەنتىنىڭ تاقتان كەتۋىن تالاپ ەتۋدە.بۇل 2012 جىلعى «بولوتنايا» كوتەرىلىسىنەن كەيىنگى ەكىنشى كەڭ ماسشتابتى ەرەۋىل.

ناۆالنىيدىڭ 2 ساعاتتىق «الەمدەگى ەڭ ءىرى پارا» دەرەكتى زەرتتەۋ ءفيلمىن كورىپ شىقتىم. ءۇش كۇندە 70 ملن قارالىم جينادى. بۇل رەكوردتىق كورسەتكىش. سۇمدىق ۇلكەن اۋديتوريا.

كەرى اسەر دەگەن بولادى عوي. بۇعان دەيىن ساياساتكەر بوريس نەمتسوۆتى كرەملگە بارار كوپىردىڭ ۇستىندە كيللەرلەر اتىپ كەتكەندە، ەل نارازىلىعى ودان سايىن كۇشەيگەن ەدى. نەمتسوۆتى ولتىرگەندەر، ونى ورىس وپپوزيتسياسىنىڭ سيمۆولى قىلدى.

ەكىنشى رەت، ناۆالنىيدىڭ وقيعاسى. گەرمانيالىق «شاريتە» ەمحاناسى ونىڭ وسىعان دەيىن «نوۆيچوك» حيميالىق سوعىس قارۋىمەن ۋلانعانىن راستادى.

ەندى رەسەيگە ورالعاندا ساياساتكەردى اۋەجايدان بىردەن تۇرمەگە قاماۋى، تاعى دا سونداي كەرى اسەر تۋدىردى. بۇعان دەيىن ناۆالنىيدى قولداماعاندار دا ونىڭ جاقتاسى بولادى ەندى. بيلىك ءوز قولىمەن ونى پۋتيننەن كەيىنگى №2 ساياساتكەر قىلدى.

ال، بىزگە كورشى ەلدەگى ساياسي پروتسەستەردى ءجىتى باقىلاۋ كەرەك. رەسەي مەن بەلورۋسسياداعى جاعدايلار قازاقستان ءۇشىن دە ماڭىزدى.

ميتينگكە شىققانداردىڭ دەنى الەۋمەتتىك جاعدايدىڭ تومەندىگىن دە ايتىپ جاتىر.

وسى ورايدا رەسەيلىك دەپۋتات، شەنەۋنىكتەردىڭ قازاق جەرىنە قاتىستى سوزدەرى ەسىمە ءتۇسىپ وتىر. قىرىم، وسەتيا، ابحازيا، دونەتسك، لۋگانسك بار...

وزگە ەلدى وتقا وراعانشا، ءوز ەلىڭدى باققا ورا!

ازامات تاسقاراۇلى،

الەۋمەتتىك جەلىدەگى جازباسىنان.

پىكىرلەر