دەنەسى "اق" بوپ تۋعانى ءۇشىن البينوستاردى ولتىرۋدە

4062
Adyrna.kz Telegram

"سوڭعى ايلاردا مالاۆيدە البينيزممەن اۋىراتىندار نىساناعا الىنىپ ولتىرىلۋدە" دەپ مالىمدەدى Amnesty International قۇقىق قورعاۋ ۇيىمى. بۇل تۋرالى "ادىرنا" ۇلتتىق پورتالى Qamshy.kz سايتىنا سىلتەمە جاساپ.

وتكەن اپتادا ەكى قاسكۇنەم 12 جاسار البينوس قىزدى ۇيىنەن ۇرلاپ اكەتۋگە تىرىسقان جانە باسقا جەردە البينيزممەن اۋىراتىن 26 جاستاعى سايدي ديتوندى ولتىرىلگەن.

ءۇش ەر ادام ونى 27 قاڭتاردا ولتىرگەنىن مويىندادى، ال ءتورتىنشى كۇدىكتى ىزدەۋدە.

بۇل سوڭعى ءتورت ايدا ەلدە البينيزممەن اۋىرعان ادامدارعا جاسالعان جەتى شابۋىلدىڭ ەكەۋى عانا. قاسكويلەر البينوستاردى ولتىرۋگە جانە ۇرلاۋعا تىرىسىپ قانا قويماي، ولاردىڭ قابىرلەرىن دە نىساناعا العان.

بۇعان دەيىن ادام قۇقى ۇيىمى ەسەبى البينيزممەن اۋىراتىن ادامداردى "جانۋارلار سياقتى" اۋلاپ، ءولتىرىپ جاتىر دەپ حابارلاعان.

 

بۇل وقيعالاردىڭ تۋ سەبەبى، جەرگىلىكتى ء"داستۇرلى سەنىم" بويىنشا، كەيبىرەۋلەر وسى ءالسىز توپتاعى ادامداردىڭ "دەنە مۇشەلەرى مەن سۇيەكتەرى ساتتىلىك بەرەدى" دەپ سەنەدى. جەرگىلىكتى ءداستۇرلى "سيقىرشى-ەمشىلەر" البينيزممەن اۋىراتىنداردىڭ دەنە مۇشەسى ارقىلى "باقىتتى ەتەتىن" سۋسىندار جاسايدى. سول سەبەپتى ولار وتە قىمبات باعامەن ساتىلادى.

بۇۇ ادام قۇقىقتارى جونىندەگى جوعارعى كوميسسارىنىڭ كەڭسەسىنىڭ 2016 جىلعى ەسەبىنە سايكەس، "البينو اڭشىلارى اۋرۋدىڭ بۇكىل دەنەسىن 75000 دوللارعا دەيىن ساتادى".

Amnesty International ادام قۇقى ۇيىمىنىڭ افريكانىڭ وڭتۇستىگى بويىنشا ديرەكتورىنىڭ ورىنباسارى مۋلەيا مۆانانياندا سوڭعى شابۋىلدار البينيزممەن اۋىراتىن ادامداردىڭ مۇلدە قاۋىپسىز ەمەس ەكەنىن كورسەتەتىنىن ايتىپ، ەسكەرتۋ جاسادى.

–بۇل شابۋىلدار "جازاسىزدىق مادەنيەتىنەن" تۋىندايدى جانە مالاۆيا بيلىگى وسى سوڭعى قىلمىستارعا كۇدىكتى قىلمىسكەرلەردى ءادىل سوتقا تارتۋ ءۇشىن جەدەل تۇردە ارەكەت ەتۋى كەرەك،– دەپ قوستى ول.

البينيزممەن اۋىراتىن ادامدار قاۋىمداستىعىنىڭ اتقارۋشى ديرەكتورى مەنارد زاحاريا مۆانانياندا حانىمنىڭ پىكىرىن قولداي وتىرىپ، مالاۆي ۇكىمەتى "ىشكى جانە حالىقارالىق ادام قۇقىعى زاڭدارى بويىنشا قۇرباندارعا ادىلەتتىلىكتى قامتاماسىز ەتۋگە مىندەتتى" دەپ مالىمدەدى.

پىكىرلەر