مەملەكەت باسشىسى قاسىم-جومارت توقاەۆتىڭ اتىنا ناۋرىز مەرەكەسىنە وراي امەريكا قۇراما شتاتتارىنىڭ پرەزيدەنتى دجو بايدەننىڭ قۇتتىقتاۋ جەدەلحاتى كەلىپ ءتۇستى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
«بيىل قازاقستان رەسپۋبليكاسى ءوز تاۋەلسىزدىگىنىڭ 30 جىلدىعىن اتاپ وتەدى. ءسىزدى وسى اتاۋلى وقيعامەن قۇتتىقتاي وتىرىپ، اقش پرەزيدەنتىنىڭ اكىمشىلىگى وزىڭىزبەن جانە قازاقستان حالقىمەن ەتەنە جۇمىس ىستەۋگە زور ءمان بەرەتىنىن ايتقىم كەلەدى. ۇزاق جىلدار بويى ءبىز يادرولىق قارۋدى تاراتپاۋ، بەيبىتشىلىك پەن قاۋىپسىزدىكتى نىعايتۋ باعىتىنداعى تىعىز سەرىكتەستى قولداپ كەلەمىز. مەنىڭ اكىمشىلىگىم ستراتەگيالىق سەرىكتەستىگىمىزدى تەرەڭدەتۋگە جانە بۇدان 5 جىل بۇرىن مەملەكەتتىك حاتشى دجون كەرريدىڭ قاتىسۋىمەن باستالعان «س5+1» ديالوگ پروتسەسىن جالعاستىرۋعا مۇددەلى، – دەپ جازىلعان جەدەلحاتتا.
ناۋرىز مەرەكەسى قارساڭىندا دجو بايدەن قاسىم-جومارت توقاەۆقا جانە قازاقستان حالقىنا بەيبىتشىلىك پەن قۇت-بەرەكە تىلەدى.
«ادىرنا» ۇلتتىق پورتالى
