Memleket basşysy Qasym-Jomart Toqaevtyŋ atyna Nauryz merekesıne orai Amerika Qūrama Ştattarynyŋ Prezidentı Djo Baidennıŋ qūttyqtau jedelhaty kelıp tüstı, dep habarlaidy «Adyrna» tılşısı Aqordaǧa sılteme jasap.
«Biyl Qazaqstan Respublikasy öz Täuelsızdıgınıŋ 30 jyldyǧyn atap ötedı. Sızdı osy atauly oqiǧamen qūttyqtai otyryp, AQŞ Prezidentınıŋ Äkımşılıgı Özıŋızben jäne Qazaqstan halqymen etene jūmys ısteuge zor män beretının aitqym keledı. Ūzaq jyldar boiy bız iadrolyq qarudy taratpau, beibıtşılık pen qauıpsızdıktı nyǧaitu baǧytyndaǧy tyǧyz serıktestı qoldap kelemız. Menıŋ Äkımşılıgım strategiialyq serıktestıgımızdı tereŋdetuge jäne būdan 5 jyl būryn Memlekettık hatşy Djon Kerridıŋ qatysuymen bastalǧan «S5+1» dialog prosesın jalǧastyruǧa müddelı, – dep jazylǧan jedelhatta.Nauryz merekesı qarsaŋynda Djo Baiden Qasym-Jomart Toqaevqa jäne Qazaqstan halqyna beibıtşılık pen qūt-bereke tıledı.
«Adyrna» ūlttyq portaly
