تۇركىستان وبلىسىندا جوعالعان تۇرعىن قۇدىقتىڭ ىشىنەن تابىلدى، دەپ حابارلايدى «ادىرنا» ءتىلشىسى قر تجم-عا سىلتەمە جاساپ.
«2021 جىلعى 16 ناۋرىز كۇنى ساعات 14.00-دە تۇركىستان وبلىسى تجد كەزەكشى-ديسپەتچەرلىك قىزمەتىنىڭ پۋلتىنە ەكى كۇن بۇرىن مال ىزدەپ شىققان 1980 جىلى تۋعان ەر ادامنىڭ جوعالعانى تۋرالى حابارلاما ءتۇستى.
ىزدەستىرۋ-قۇتقارۋ جۇمىستارىنا تۇركىستان وبلىسى تجد (11 قىزمەتكەر مەن 1 بىرلىك تەحنيكا، پوليتسيا دەپارتامەنتىنىڭ كۇشتەرى مەن قۇرالدارى (1 قىزمەتكەر) جانە جوعالعان ادامنىڭ تۋىستارى (3 ادام) جۇمىلدىرىلدى.
16 ناۋرىزدا ساعات 15.10-دا قۇتقارۋشىلار ەر ادامدى جوعالىپ كەتكەن ورىننان ەكى شاقىرىم جەردە كوككوز اۋىلىنان تاۋىپ الدى. ول تەرەڭدىگى 3 مەتر قۇدىققا ءتۇسىپ كەتىپ، وزدىگىنەن شىعا الماعان ەكەن»،-دەلىنگەن حابارلامادا.
قۇتقارۋشىلار تەز ارادا ەر ادامدى قۇتقارۋعا كىرىسكەن. ولار قۇتقارۋ ءجىبىنىڭ كومەگىمەن ەر ادامدى قۇدىقتان الىپ شىقتى.
ايتا كەتەيىك،ەر ادام مەديتسينالىق كومەككە مۇقتاج ەمەس.
«ادىرنا» ۇلتتىق پورتالى
