Türkıstan oblysynda joǧalǧan tūrǧyn qūdyqtyŋ ışınen tabyldy, dep habarlaidy «Adyrna» tılşısı QR TJM-ǧa sılteme jasap.
«2021 jylǧy 16 nauryz künı saǧat 14.00-de Türkıstan oblysy TJD kezekşı-dispetcherlık qyzmetınıŋ pultıne ekı kün būryn mal ızdep şyqqan 1980 jyly tuǧan er adamnyŋ joǧalǧany turaly habarlama tüstı. Izdestıru-qūtqaru jūmystaryna Türkıstan oblysy TJD (11 qyzmetker men 1 bırlık tehnika, Polisiia departamentınıŋ küşterı men qūraldary (1 qyzmetker) jäne joǧalǧan adamnyŋ tuystary (3 adam) jūmyldyryldy. 16 nauryzda saǧat 15.10-da qūtqaruşylar er adamdy joǧalyp ketken orynnan ekı şaqyrym jerde Kökköz auylynan tauyp aldy. Ol tereŋdıgı 3 metr qūdyqqa tüsıp ketıp, özdıgınen şyǧa almaǧan eken»,-delıngen habarlamada.Qūtqaruşylar tez arada er adamdy qūtqaruǧa kırısken. Olar qūtqaru jıbınıŋ kömegımen er adamdy qūdyqtan alyp şyqty. Aita keteiık,er adam medisinalyq kömekke mūqtaj emes.
«Adyrna» ūlttyq portaly
