سۋەتس كانالىنا ۇزىندىعى 400 مەتر، 219 مىڭ توننا جۇگىمەن كەپتەلىپ تۇرىپ قالعان Ever Given كونتەينەروۆوزى بۇگىن ورنىنان قوزعالدى دەپ حابارلادى The Wall Street Journal.
Ever Given-ءنىڭ سوڭىندا كۇتىپ تۇرعان سۋپەرتانكەرلەردىڭ سانى 238-گە جەتەدى. بارلىعى دا الەمنىڭ ءار ەلدەرىنە ءجۇز مىڭداعان توننا شيكىزاتتاردى الىپ بارادى. سۋەتس كانالىندا كەزەكتە تۇرعان سۋپەرتانكەرلەردىڭ كوپشىلىگى قازىر قىزىل تەڭىزدى جاعالاپ ءجۇزىپ ءجۇر. سۋەتس كانالىنان الەمنىڭ شيكىزات تاۋارىنىڭ كۇن سايىن 12 پايىزى تاسىمالدانادى ەكەن. ءبىر كۇندە سۋەتس كانالىنان 10 ميلليارد اقش دوللارىنىڭ تاۋارى تاسىمالدانادى. سوندا كانالدان ساعاتىنا 400 ميلليون اقش دوللارىنا تەڭ تاۋار ءجۇزىپ وتەدى دەگەن ءسوز. بۇل الەمدەگى گيگانت تاسىمالداۋشى سۋ ماگيسترالىنە جاتادى. دەمەك بۇل پالەنتا ءۇشىن وتە ماڭىزى زور ستراتەگيالىق سۋ جولى سانالادى.
ال، ەندى Ever Given سۋپەرتانكەرىنىڭ ءبىر كۇندىك كەپتەلىسىنىڭ ءوزى 10 ميلليارد اقش دوللارىنا تەڭ تاۋاردى وتكىزبەي قويسا، 23-ءشى ناۋرىزدان بەرى 238 سۋپەرتانكەردەگى جۇكتىڭ وتە الماۋى، الەدەگى گرافيكپەن جۇمىس جاساپ وتىرعان قانشاما مۇناي مەن گاز، باسقا دا سالاداعى ءوندىرىس ورىندارىنا قانشا ميللارد اقش دوللارى شىعىن اكەلەتىنىن ەسەپتەڭىز. ءتىپتى جۇزدەگەن ميلليارد دوللارعا جەتۋى دە مۇمكىن.
ازامزاتتىڭ يگىلىگى ءۇشىن جۇمىس جاساپ تۇرعان سۋەتس كانالى اشىلىپ، Ever Given سۋپەرتانكەرى امان ەسەن ءوتىپ كەتسىن دەپ تىلەيىك!
بەكبولات قارجان،
"ادىرنا" ۇلتتىق پورتالى
