اقش پەن رەسەيدىڭ نەمەسە ۋكراينا مەن رەسەيدىڭ اراسىنداعى تەكەتىرەس باسەڭدەيتىن ءتۇرى بار.
دجوزەف بايدەن ءبارىن جاقسى باستاپ كەلىپ سىلق ەتە قالدى. وكىنىشتى اق.پۋتين ۋكراين شەكاراسىنا سەكسەن مىڭ اسكەرىمەن سانسىز اسكەري تەحنيكاسىن قاپتاتىپ گەوساياسي الاڭدا ۆاشينگتوننىڭ تىزەسىن بۇكتىردى. كەشە بايدەن پۋتينگە زۆانداپ ۋكرايناعا الاڭداۋشىلىعىن ءبىلدىرىپ ونىمەن كەزدەسۋگە نيەت ءبىلدىردى. بۇل ونىڭ گەوساياسي جەڭىلىسى بولدى.
ءسىرا بۇگىن ورىس پروپاگانداسى "باتىستى جىقتىق" دەپ كۇمپىلدەپ جارىلاتىن شىعار. كەزىندە بوسبەلبەۋ وبامانىڭ ءوزى "رەسەي ايماقتىق دەرجاۆا ەدى.. " دەپ مويىنداماي، كرەملمەن ۋكراينا ماسەلەسى بويىنشا ەشقاشان كەلىسسوزگە وتىرماعان-تىن، ەندى سونى جوعارى دارەجەدە بايدەن ىستەيتىن بولدى. وكىنىشتى اق...
وسى سوڭعى اقش - رەسەي تەكەتىرەسىندە تاعى ءبىر ماڭىزدى كورىنىس ورىن الدى. مەن ءدال وسى جاعدايدى ءمۇلت ەتپەي قاداعالاۋمەن بولدىم.
ول — ۋكراينا مەن تۇركيانىڭ ءوزارا قارىم قاتىناسى.
ەگەر ءبىزدىڭ داۋىرىمىزدە وسى جاھاندا رەسمي ماسكەۋدىڭ توبە شاشىن تىك تۇرعىزعان ءبىر ادام بار بولسا، ول ادام — رەجەپ تايىپ ەردوعان.
كرەمل ءۇشىن رەجەپ ەردوعان دەگەنىمىز — سيريا، ليۆيا، ازىربايجانداعى ءوزىنىڭ سوعىس الاڭىنداعى ۇلكەن ءبىر پوزورى. ويتكەنى جەر - جاھاننىڭ تۇكپىر تۇكپىرىندە ەردوعاننىڭ "بايراكتارىن" كورگەن ورىس ۆاگنەرلارىنىڭ ۇرەيى ۇشىپ، القىنا زىتىپ، تاباندارىن جالتىراتىپ قاشۋمەن الەك بولاتىن.
ەردوعاننىڭ "بايراكتارى" ليۆيادا ورىستىڭ اسا قىمبات 30 دانا زرك ءپانتسيرىن، جۇزدەگەن تانكىلەرىن، اسكەري تەحنيكاسىن، جۇزدەگەن ساربازدارىن وتقا ورادى. بۇل قانشاما ميللياردتاعان دوللار شىعىن.
ءپۋتيننىڭ ليۆيالىق دوسى حاليفا حافتار، تۇرىك اسكەرى ليۆياعا كىرگەن تۇستان بەرى ايبىندى گەنەرالدان ءبىر بەيشاراعا اينالدى. پۋتين ليۆيادا تۇركياعا قارسى قولىنان كەلگەنىنىڭ ءبارىن ىستەدى، قارسىلاسىنا قارسى حيميالىق قارۋ دا قولدانىپ كوردى، مىسىردى (ەگيپەت) تۇرىككە قارسى شاپتاپ تا كوردى....
الايدا ەردوعان ونى قىستىرمادى. ول تاپال تال تۇستە ليۆياداعى ءپۋتيننىڭ ۆاگنەرلەرى ورنالاسقان قالالاردى جەرمەن جەكسەن ەتتى. ونى كورگەن ەگيپەتتىڭ دەرەۋ دۋحى ءتۇسىپ ودان سوڭ ليۆياعا اياق باسپادى.
سيريادا دا ەردوعان اسادتىڭ دا، ءپۋتيننىڭ دا شاپكەسىن كەرى كيگىزىپ ەسەككە تەرىس مىنگىزدى. ونداعى جاعداي ليۆيادان دا اۋقىمدى بولدى. سيريادا باشير اساد قازىر ءىس جۇزىندە شام شاھارىنىڭ ستوروجى عانا بوپ قالدى. ەگەر كۇندەردىڭ كۇنىندە رەجەپ ەردوعان داماسكىگە قارسى ءبىر جورىق جاسايتىن بولسا، اسادتىڭ ءداۋىرى اياقتالادى، ءپۋتيننىڭ ويىنى دا بىتەدى.
ال قاراباقتا ەردوعان پۋتينمەن ءتىپتى اشىق كەتتى. ەگەر قاراباقتا رەسەي ارمەنيا ءۇشىن ول ماڭعا اسكەر كىرگىزىپ ۇرىس سالاتىن بولسا، رەجەپ تايىپ ەردوعان ويلانباستان ءازىربايجان ءۇشىن سوعىسىپ كەتەر ەدى. ونى كۇللى دۇنيە كورىپ سەزىپ وتىردى، بۇنى پۋتين دە ءتۇسىندى. سودان بولار پۋتين قاراباقتا ارمەندەرگە اشىق قولداۋ بىلدىرە المادى، كوزى جىپىلىقتاپ قورقىپ وتىردى. ونى كورگەن ەردوعان مەن اليەۆ قاراباقتاعى باسقىنشىلاردى ءبىر جارىم ايلىق مەرزىمدە مايلى جەرلەرىنەن ءبىر تەۋىپ قۋىپ شىقتى.
ءبىر سوزبەن ايتساق رەجەپ ەردوعان — زۆەر، راس، زۆەر ەردوعان... ونىڭ ءبىر باسىندا ءوز باتىلدىعى مەن ورلىگى، ەرلىگى جەتەدى.
ەندى كەشە ەردوعان مەن ۋكراين پرەزيدەنتى زەلەنسكي كەزدەستى. انە مىنە رەسەيمەن سوعىسايىن دەپ وتىرعان ەلگە ەردوعان "بايراكتاردىڭ" تاعى ءبىر 25 داناسىن ارتىپ جىبەردى.
ايگىلى ءوزىۇشار "بايراكتار تب - 2 " جانجال ءورشىپ تۇرعان ۋكراين وبلىستارىنىڭ ۇستىنەن ۇشىپ ءوتتى. ونى كورگەن ۋكراين اسكەرى كوزدەرى جاساۋراپ رۋھتاندى، ال دۇشپانىنىڭ زارەسى ۇشتى.
رەجەپ ەردوعان تاعى رەسەيگە قارسى ۋكراينانى قىزۋ قولدايتىنىن ايتتى. تۇركيا جاقىندا بوسفور بۇعازىنان امەريكاندىق اسكەري ەسمينەتستەردى قاراتەڭىزگە، قىرىمعا وتكىزىپ جىبەردى. ول ماسكەۋ ءۇشىن ونىڭ توبەسىنەن تۇسكەن نايزاعايمەن تەڭ بولدى.
ونىمەن قويماي ەكىجاقتى كەزدەسۋ بارىسىندا ەردوعان "باسقىنشى جاعدايدا قالعان قىرىمداعى باۋىرلاس قىرىم تاتارلارىنىڭ تاعدىرىنا الاڭدايتىنىن" ايتتى. زەلەنسكي ءوز كەزەگىندە "قىرىم ازات ەتىلگەن كۇنى قىرىمدى تۇركيا - ۋكراينا بوپ بىرلەسە باسقارالىق" دەپ ۇسىنىس جاسادى.
ال بۇ كەزدە بۇنىڭ ءبارىن كورىپ، ەستىپ وتىرعان رەسمي كرەمل كوگەرىپ تالىپ قالدى. ەسىن جيعاسىن بيىل ءوز ازاماتتارىنىڭ تۇركياعا بارىپ دەمالۋىنا تيىم سالىپ ءوشىن الدى.
راس، دجو بايدەن كەشە ءسال شەگىندى. ەندى رەجەپ ەردوعان شەگىنە مە ەكەن، سول قىزىق بوپ تۇر... شىنى كەرەك، قازىرگى گەوساياسي جاعداي وتە كۇردەلى.... كۇندە ءبىر قىزىعى مەن شىجىعى قاتار شىعىپ جاتىر. بايقالىق، كۇتەيىك، ءالى بۇل كينو بىتكەن جوق.
"ادىرنا" ۇلتتىق پورتالى
