قازاقستاندىق اۋەكومپانيالارعا ءترانسسىبىر باعىتىن پايدالانۋ ارقىلى ۇشۋ قۇقىعى بەرىلدى. قازاقستان مەن رەسەيدىڭ قالىپتاسقان ەكىجاقتى سەرىكتەستىك ىنتىماقتاستىعىنىڭ نەگىزىندە رەسەي فەدەراتسياسى تەرريتورياسىنىڭ اۋە كەڭىستىگىمەن ۇشۋ ماسەلەسى جونىندە كەلىسىم جاسالدى، دەپ حابارلايدى BAQ.kz.
بۇل تۋرالى يدم ءباسپاسوز قىزمەتى مالىمدەدى.
"كەلىسسوزدەردىڭ قورىتىندىسى بويىنشا، قازاقستاندىق اۋەكومپانيالارىنا ۇلان-باتىر مەن توكيوعا كەدەرگىسىز جاڭا باعىت اشۋعا مۇمكىندىك بەرەتىن ءترانسسىبىر باعىتى جۇيەسىن قولدانۋ ارقىلى ۇشۋ قۇقىعى بەرىلدى. اتالمىش ماسەلە ۇزاق ۋاقىت تالقىلاندى" - دەلىنگەن مينيسترلىكتىڭ رەسمي سايتىندا.
سونىمەن قاتار، قازاقستاندىق تاسىمالداۋشىلار استانا-بايقوڭىر جانە الماتى-بايقوڭىر باعىتتارى بويىنشا كۇن سايىنعى رەيستەر ورىنداۋ قۇقىعىن الدى. تاراپتار كەلىسىمدى حات الماسۋ جولىمەن بەكىتتى.
"باق" كز
