Qazaqstandyq äuekompaniialarǧa Transsıbır baǧytyn paidalanu arqyly ūşu qūqyǧy berıldı. Qazaqstan men Reseidıŋ qalyptasqan ekıjaqty serıktestık yntymaqtastyǧynyŋ negızınde Resei Federasiiasy territoriiasynyŋ äue keŋıstıgımen ūşu mäselesı jönınde kelısım jasaldy, dep habarlaidy BAQ.kz.
Būl turaly İDM baspasöz qyzmetı mälımdedı.
"Kelıssözderdıŋ qorytyndysy boiynşa, qazaqstandyq äuekompaniialaryna Ūlan-Batyr men Tokioǧa kedergısız jaŋa baǧyt aşuǧa mümkındık beretın Transsıbır baǧyty jüiesın qoldanu arqyly ūşu qūqyǧy berıldı. Atalmyş mäsele ūzaq uaqyt talqylandy" - delıngen ministrlıktıŋ resmi saitynda.Sonymen qatar, qazaqstandyq tasymaldauşylar Astana-Baiqoŋyr jäne Almaty-Baiqoŋyr baǧyttary boiynşa kün saiynǧy reister oryndau qūqyǧyn aldy. Taraptar kelısımdı hat almasu jolymen bekıttı.
"Baq" kz
