2021 جىلدىڭ باسىنان باستاپ الماتى وبلىسىندا 5 مىڭعا جۋىق كاسىپكەر بيزنەستى اشۋ جانە جۇرگىزۋ بويىنشا سەرۆيستىك قىزمەتتەر مەن كەڭەستەر الدى.
كاسىپكەرلەرگە «بيزنەستىڭ جول كارتاسى – 2025» باعدارلاماسى شەڭبەرىندە كاسىپكەرلەرىگە قىزمەت كورسەتۋ ورتالىقتارى ارقىلى اقىسىز نەگىزدە قارجىلاي ەمەس قولداۋ كورسەتىلدى. وسى جىلدىڭ ءى توقسانىندا ءوڭىردىڭ 635 كاسىپكەرىنە 637 سەرۆيستىك قىزمەت كورسەتىلگەن، سونداي-اق 4249 كاسىپكەر مەن كاسىپكەرلىك باستاماسى بار تۇرعىنعا 4320 كونسۋلتاتسيالىق قىزمەت بەرىلگەن.
«نەگىزىنەن ءىسىن جاڭا باستاعان كاسىپكەرلەر جك، جشس تىركەۋ نەمەسە قايتا تىركەۋ، بيزنەس-جوسپاردى ازىرلەۋ، بۋحگالتەرلىك-سالىقتىق ەسەپتەردى تاپسىرۋ سياقتى قىزمەتتەرگە جۇگىنەدى. اتالعان كەزەڭدە كاسىپكەرلەر پالاتاسىنىڭ مەنەدجەرلەرى جالپى سوماسى 5,9 ملرد تەڭگەگە 188 بيزنەس-جوسپار ازىرلەدى. ونىڭ ىشىندە 1,5 ملرد تەڭگەنىڭ 32 جوباسى جۇزەگە اسىرىلدى»، - دەپ اتاپ ءوتتى الماتى وبلىسى كاسىپكەرلەر پالاتاسىنىڭ ديرەكتورى اسەت شاياحمەتوۆ.
كاسىپكەرلەر ءۇشىن بارلىق قاجەتتى قىزمەتتەر وتەۋسىز بولىپ تابىلادى، ولاردى وبلىسىمىزدىڭ بارلىق قالالارى مەن اۋداندارىندا ورنالاسقان كاسىپكەرلەرگە قىزمەت كورسەتۋ ورتالىقتارى مەن بولىمشەلەرىندە كورسەتىلەدى. سونداي-اق بارلىق قىزمەتتەر www.g4b.kz قر ۇكپ پلاتفورماسى ارقىلى ونلاين رەجيمدە تولىق كولەمدە ۇسىنىلادى. بۇل، اسىرەسە، شەكتەۋ شارالارى مەن سانيتارلىق-ەپيدەميولوگيالىق جاعدايعا بايلانىستى اسا ماڭىزدى بولىپ تابىلادى.
