ماڭعىستاۋدا براكونەرلەردىڭ ءۇش توننا بەكىرە قورى تابىلدى

3686
Adyrna.kz Telegram

ۇقك شق ءباسپاسوز قىزمەتىنىڭ حابارلاۋىنشا، 26 ساۋىردە ماڭعىستاۋ وبلىسىندا براكونەرلەردىڭ قويماسى انىقتالدى. وندا ءۇش توننا بەكىرە بالىقتارى وندىرىستىك توڭازىتقىشتاردا ساقتالعان، دەپ حابارلايدى "ادىرنا" ۇلتتىق پورتالى.

ۇقك شەكارا قىزمەتى بۇل فاكت بويىنشا سوتقا دەيىنگى تەرگەۋ باستالعانىن حابارلادى. بيلىك قىزمەتكەرلەرى قىزىل بالىقتى زاڭسىز اۋلاۋعا قاتىسى بار ادامداردى ىزدەۋدە.

ەستەرىڭىزگە سالا كەتەيىك، كەشە 26 ساۋىردە ينسپەكتورلار ماڭعىستاۋ وبلىسىنداعى قىزىلساي تابيعي پاركىنىڭ اۋماعىندا ارقاردىڭ تۋشاسىمەن ۇستالعان قارۋلانعان ءتورت ادامدى انىقتادى. براكونەرلەر پوليتسيادان جاسىرىنباق بولعان، بىراق ۇستالدى. كەيىن ۇستالعانداردىڭ اراسىندا ەكى پوليتسيا قىزمەتكەرىنىڭ بولعانى بەلگىلى بولدى. ونداي ادامدارعا پوليتسيادا ورىن جوق ەكەنىن ەسكەرتە وتىرىپ، ولار قىزمەتتەن بوساتىلدى.

پىكىرلەر