جاس اقىندار ءمۇشايراسى ءوتتى

2351

«ەل-شەجىرە» قايىرىمدىلىق قورى» قوعامدىق قورى الماتى قالاسى ىشكى ساياسات باسقارماسى ۇسىنعان «ادەبيەت الەمى» الەۋمەتتىك جوباسى اياسىندا، ديداحمەت ءاشىمحانۇلى اتىنداعى ادەبي بىرلەستىكتىڭ مۇشەلەرىمەن بىرلەسىپ ەلباسىنىڭ «بولاشاققا باعدار: رۋحاني جاڭعىرۋ» ماقالاسى نەگىزىندە جاس اقىنداردىڭ ءمۇشايراسىن وتكىزدى.

وعان الماتى تەمىرجول كولىگى كوللەدجى، الماتى سەرۆيستىك قىزمەت كورسەتۋ كوللەدجى جانە الماتى جولاۋشىلار كولىگى جانە تەحنولوگيالار كوللەدجىنىڭ ستۋدەنتتەرى قاتىستى. جاس اقىنداردىڭ ونەرىنە اتاجۇرتىنىڭ توپىراعىنا تابان تىرەگەن جازۋشى قىتاي حالىق رەسپۋبليكاسىنىڭ مەملەكەتتىك سىيلىعىنىڭ لاۋرەاتى ءتۇرسىنالى رىسكەلدى، جازۋشىلار وداعىنىڭ مۇشەسى، عالىم نۇرداۋلەت اقىش، جازۋشى-جۋرناليست كولباي ادىربەكتەر قازىلىق ەتتى. جاستاردىڭ ولەڭ قۇراپ، ونى شەبەرلىكپەن جەتكىزە بىلگەن تالاپتارىنا قاراي ءاليا الماسقىزى، ابىلقايىر قاناپي، دىنمۇحاممەد قۇلجانوۆتار تيىسىنشە ءبىرىنشى، ەكىنشى جانە ءۇشىنشى ورىنداردى يەلەندى.

02-2

 شارا سوڭىندا ءسوز العان الماتى تەمىرجول كوللەدجى ديرەكتورىنىڭ ورىنباسارى مارحابا كوكەنوۆا: «ءبىزدىڭ كوللەدج تەمىرجول سالاسىنىڭ ماماندارىن دايارلايتىن وقۋ ورداسى بولعانىمەن، ادەبيەتكە قۇشتار شاكىرتتەرىمىز بار. بۇل ءوز كەزەگىندە ولاردىڭ ەلى مەن جەرىنە دەگەن سۇيىسپەنشىلىگىن ارتتىرادى. مەنىڭ ويىمشا كىم قانداي ماماندىق يەسى بولسا دا، ءسوز ونەرىنەن حابارى بولۋى ءتيىس» دەگەن پىكىر ءبىلدىرىپ، ۇيىمداستىرۋشىلارعا العىس ايتتى. مۇشايراعا بەلسەنە قاتىسقان بارلىق ستۋدەنتتەرگە العىس حاتتار مەن كىتاپتار تابىس ەتىلدى. ولاردىڭ اراسىندا اتالعان وقۋ ورداسىنىڭ جاس ۇستازى ستىبەك ايدانا دا بار. ول «تاۋەلسىزدىككە ارناۋ» اتتى ولەڭىمەن كوپشىلىكتىڭ كوڭىلىنەن شىقتى.


دىنمۇحاممەت مۇحاممەتجان

ءال-فارابي اتىنداعى قازۇۋ-دىڭ جۋرناليستيكا فاكۋلتەتىنىڭ ستۋدەنتى

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket