ۆاشينگتوندا اتلانتيكالىق كەڭەس وتكىزگەن ۆەبيناردا مەملەكەتتىك حاتشىنىڭ وڭتۇستىك جانە ورتالىق ازيا ىستەرى جونىندەگى كومەكشىسىنىڭ ورىنباسارى دجوناتان حەنيك اقش-تى تاجىكستان مەن قىرعىزستان اراسىنداعى سوڭعى وقيعالار جىگەرلەندىرىپ وتىرعانىن باسا ايتتى، دەپ حابارلايدى "ادىرنا" ۇلتتىق پورتالى.
"جاعداي تۇبەگەيلى شەشىلدى دەپ ايتا المايمىز. ول شەشىلمەگەن. ادامداردىڭ ۇيلەرىنە ورالىپ، قالپىنا كەلتىرۋ جۇمىستارىنا جاعداي جاساۋ ءۇشىن بەيبىتشىلىك پەن تۇراقتىلىق قاجەت", - دەدى اقش-تىڭ سىرتقى ساياسات جونىندەگى وكىلى.
«ءبىز اقش، ارينە، بىشكەك پەن دۋشانبەدەگى ەلشىلىك ارقىلى ەكى ەلدىڭ باسشىلارىمەن تىكەلەي بايلانىستا وتىرمىز. ءبىز ولاردىڭ ۆاشينگتونداعى ەلشىلىكتەرىمەن بايلانىسقا شىقتىق. كەز-كەلگەن جاعدايدا قاقتىعىستى بەيبىت جولمەن شەشۋدى ۇسىندىق»، - دەدى حەنيك.
«ال، ودان دا ماڭىزدىسى - ءبىز شىنىمەن دە باسشىلىقتى [بىشكەك پەن دۋشانبەدەگى] جاۋاپكەرشىلىكتى ءوز موينىنا الۋعا، جاعدايدىڭ قايتالانباۋى ءۇشىن جاعداي جاساۋعا شاقىردىق»،- دەپ ءسوزىن اياقتادى حەنيك.
ەسكە سالا كەتەيىك, قىرعىزستان مەن تاجىكستان شەكاراسىنداعى جاعداي 28 ساۋىردە تاتارستان رەسپۋبليكاسىنىڭ ازاماتتارى باتكەن وبلىسىنىڭ كوك-تاش اۋىلىنداعى سۋ قابىلداعىشقا بەينەباقىلاۋ كامەرالارىن ورناتۋدى باستاعاننان كەيىن ۋشىعىپ كەتكەن بولاتىن. اۋىزشا قاقتىعىس ناتيجەسىندە ەكى ەلدىڭ تۇرعىندارى ءبىر-بىرىنە تاس لاقتىرا باستادى. كەيىننەن تاجىك تاراپى اڭشى مىلتىعىمەن ءوتىپ بارا جاتقان قىرعىز ازاماتتارىنىڭ كولىكتەرىنە وق جاۋدىرا باستادى.
"ادىرنا" ۇلتتىق پورتالى
